Մասնագիտական հանձնաժողովը հավանություն է տվել Հայաստանում կորոնավիրուսի դեմ «Սպուտնիկ V», AstraZeneca և Pfizer պատվաստանյութերի օգտագործմանը, հայտարարել է առողջապահության նախարար Անահիտ Ավանեսյանը, փոխանցում է Factor.am-ը:
Նա նշել է, որ միայն Pfizer-ի մասով ջերմային ռեժիմի ապահովման հետ կապված հարցեր կան, որոնք պետք է կարգավորվեն:
Նախարարը հիշեցրել է, որ մարտից պետք է սկսվի պատվաստման գործընթացը։
Ավանեսյանի խոսքով՝ պետպատվերի շրջանակում հնարավորություն կունենան պատվաստվելու ռիսկային խմբում ներառված քաղաքացիները, այն կամավոր կլինի։
Փետրվարի 18-ի դրությամբ ՀՀ-ում կորոնավիրուսով վարակվածների թիվը մոտ 170,000 է հասել, երկրում փաստացի բուժվողների թիվը 4293 է։