«Շարժում». Ֆրանսիայից ուղարկված 9 տ օգնությունը 2 ամիս է չի մաքսազերծվում22 փետրվարի 2021 - 12:16 AMT PanARMENIAN.Net - 2020-ի դեկտեմբերից Ֆրանսիայից ուղարկված 9 տոննա օգնությունն արգելափակվել է Երևանի պահեստներից մեկում և չի մաքսազերծվում, փոխանցում են ֆրանսիական «Շարժում» նախաձեռնությունից: Նրանք դատապարտել են այն գործողություններն ու սխեմաները, որոնք դանդաղեցնում են իրենց աշխատանքը: Ըստ կազմակերպության՝ նախ մինչև 2020-ի դեկտեմբերի 31-ն առաջնահերթություն է տրվել թուրքական ապրանքների մաքսազերծմանը, ապա դրան հաջորդել են տոները: «Ավելի քան երկու ամիս է, ինչ, չնայած բոլոր վարչական թույլտվությունների ստացմանը, մաքսատանն անընդմեջ դնում են այնպիսի անհասկանալի պայմաններ, որոնք երբեք չեն ձևակերպվել նախօրոք, մինչ մենք կկարողանանք հավաքել օգնության տուփերը: Չնայած այն հանգամանքին, որ մենք տեղյակ էինք Հայաստանի վարչակազմի կողմից մարդասիրական օգնության առաքումը հեշտացնելու պատրաստակամության բացակայության մասին, մեզ այժմ վհատեցնում է այն փաստը, որ մաքսատան որոշ անհատներ օգտվում են իրավիճակից՝ հնարավորինս երկարացնելով գործընթացը: Ի՞նչ նպատակով»,-հայտարարել ու հարցրել են կազմակերպությունից: Կազմակերպությունից նշում են, թե արդյոք գործընթացն ավելի արագ չէր լինի, եթե «կանխիկ նվիրատվություն» առաջարկեին իրենց գործով զբաղվող պետական պաշտոնյաներին: «Եվս մեկ սարսափելի դիտարկում՝ նման գործողությունները պարբերական բնույթ են կրում. մեր տուփերը պահվում են մի քանի տասնյակ անվասայլակներից և բժշկական մահճակալներից ոչ հեռու՝ սարքավորումներ, որոնք ավելի քան անհրաժեշտ են այս պահին: Մենք դատապարտում ենք ձախողված համակարգը, որում չարամիտ անհատները ի զորու են օգտվել այդ ձախողումներից՝ դրանք ծառայեցնելով ի շահ իրենց և ի վնաս հավաքական շահի»,-հայտարարել են կազմակերպությունից: 44-օրյա պատերազմից հետո Հայաստանին մարդասիրական օգնություն են ուղարկել աշխարհի տարբեր երկրներից՝ ինչպես այդ երկրում գործող հայ համայնքների աջակցությամբ, այնպես էլ բարեկամ երկրի նախաձեռնությամբ: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |