Արցախի նախագահի մոտ քննարկվել են հետպատերազմյան իրավական որոշ խնդիրների հնարավոր լուծումներ

Արցախի նախագահի մոտ քննարկվել են հետպատերազմյան իրավական որոշ խնդիրների հնարավոր լուծումներ

PanARMENIAN.Net - Արցախի` Պատերազմական գործողություններով պայմանավորված իրավական հիմնախնդիրների լուծման աշխատանքների համակարգման խորհրդի հերթական նիստին քննարկվել են մի շարք հարցեր, մասնավորապես՝ տեղահանված անձանց բնակարանային ապահովումը, փոխանցում են ԱՀ նախագահի աշխատակազմի։

Առաջարկվել է նախատեսել տեղահանվածների համար բնակֆոնդի վարձակալման պայմանների խախտման դիմաց պատասխանատվության, ինչպես նաև պետության կողմից ֆիզիկական և իրավաբանական անձանց գույքի հարկադիր օգտագործման միջոցներ:

«Շահագրգիռ քննարկումներ են ծավալվել նաև ռազմական գործողությունների հետևանքով վիրավորում ստացած զինծառայողներին սոցիալական աջակցություն տրամադրելու, տեղահանվածների աշխատանքային ստաժի վերականգնման, քաղաքացիական զոհերի ու բռնազավթված համայնքների իրավական կարգավիճակների հարցերի շուրջ»,-ասվում է հաղորդագրության մեջ։

Խորհրդի հավանությանն արժանացած նախագծերը օրենքով սահմանված կարգով ընթացք են ստանալու։:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---