Գրիգորյան․ Առաջնահերթություն է գերիների առանց նախապայմանների վերադարձը 9 հուլիսի 2021 - 15:27 AMT PanARMENIAN.Net - Փոխվարչապետի պաշտոնակատար Մհեր Գրիգորյանը, ամփոփելով Եվրահանձնակատար Օլիվեր Վարհեիի հետ ունեցած աշխատանքային հանդիպումների արդյունքները, ասել է, որ որպես առաջնահերթ գերակայություն կարևորվել է Ադրբեջանում պահվող ռազմագերիների և քաղաքացիական անձանց միջազգային մարդասիրական իրավունքի ուժով, առանց նախապայմանների և անհապաղ վերադարձը, ինչը նաև ամրագրված է 2020 թվականի նոյեմբերի 10-ի եռակողմ հայտարարության մեջ: Փոխվարչապետի պաշտոնակատարն ընդգծել է, որ Հայաստանը հանձնառու է ԼՂՀ-ի հիմնահարցի կարգավորմանը՝ բացառապես խաղաղ ճանապարհով՝ ԵԱՀԿ Մինսկի խմբի համանախագահության շրջանակներում, տեղեկացնում է Panorama.am-ը: Գրիգորյանը հավելել է, որ հանձնակատարի հետ քննարկել են Արցախի դեմ իրականացված ծանրագույն ռազմական ագրեսիայի և հետպատերազմյան իրավիճակի մեղմանն ուղղված հետագա գործողությունները: Գրիգորյանի ներկայացմամբ՝ չնայած Հայաստանի առաջ ծառացած մարտահրավերներին, երկիրը «հետևողականորեն շարունակում է ժողովրդավարական բարեփոխումների ուղին, որի հավակնոտ օրակարգի կյանքի կոչման հարցում ԵՄ-ն եղել է և մնում է Հայաստանի առանցքայի գործընկերներից մեկը»։ Գրիգորյանը նաև անդրադարձել է համապարփակ և ընդլայնված գոծընկերության համաձայանգրի վավերացման գործընթացի ավարտին ու համաձայնագրի ամբողջական ուժի մեջ մտնելու փաստին: Նա հայտնել է, որ իր նախագահությամբ միջգերատեսչական հանձնաժողովի կատարած աշխատանքների արդյունքում, համաձայնագրի կիրարկմանն ուղղված ամբողջական հաստատված ճանապարհային քարտեզը բաղկացած է 300-ից ավելի միջոցառումից՝ շեշտելով, որ այն բարեփոխումների օրակարգի կարևորագույն հիմնասյուներից մեկն է, որը վերաբերում է բոլոր ոլորտներին: Նա տեղեկացրել է, որ քննարկումների ընթացքում անդրադարձել են նաև Արևելյան գործընկերության շրջանակում Հայաստան-ԵՄ համագործակցությանը: Նկատելով, որ Արևելյան գործընկերությունը թևակոխում է նոր՝ 5-ամյա փուլ, որի շրջանակներում պլանավորված է մեծածավալ ծրագրեր՝ Մհեր Գրիգորյանը ՀՀ կառավարության անունից շնորհակալություն է հայտնել ԵՄ-ին տարատեսան ֆինանսական գործիքների միջոցով Հայաստանին հատկացվելիք 1.6 մլրդ եվրո աջակցության հանձնառության համար: Նա տեղեկացրել է, որ աջակցությունն ուղղվելու է ՀՀ կառավարության և ԵՄ-ի սահմանած 5 առաջնահերթ նախաձեռնություններին՝ փոքր և միջին ձեռնարկություններին աջակցությանը, Հյուսիս-հարավ մայրուղու և աջակցող ենթակառուցվածների կառուցմանը, հարավային շրջանների սոցիալ-տնտեսական զարգացմանը, թվային կառավարմանը և նորարարության խթանմանը, ինչպես նաև Երևանի՝ որպես կանաչ և խելացի քաղաք զարգացմանը։ ՀՀ փոխվարչապետի պաշտոնակատարը նաև տեղեկացրել է, որ ամփոփվել են 2021-27 թվականների ՀՀ-ԵՄ երկկողմ ծրագրերի շրջանակը: Եվրոպական հանձնաժողովի հարևանության և ընդլայնման հարցերով հանձնակատար Օլիվեր Վարհեին Երևանում է տարածաշրջանային այցի շրջանակներում։ Երկօրյա այցի նպատակն է վերահաստատել ԵՄ պատրաստակամությունը խթանելու Հարավային Կովկասի տարածաշրջանում կայունությունը և կանխատեսելիությունը։ Ուշագրավ Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ Ամենաընթերցվողը բաժնում | Ապրիլի 1–ից առցանց անմաքս առևտրի շեմը 200,000 դրամից կդառնա 200 եվրո Սահմանվել է 200 եվրո (մոտ 84,000 դրամ) և 31 կգ արտոնության շեմը Ծանրամարտի 2027-ի աշխարհի առաջնությունը կանցկացվի Երևանում Սա աշխարհի առաջին առաջնությունն է օլիմպիական մարզաձևից, որը կանցկացվի Հայաստանում Լավրով․ Պուտինին զարմացրել էր Արցախն Ադրբեջանի մաս ճանաչելու Փաշինյանի որոշումը Լավրովը մանրամասներ է ներկայացրել ՌԴ ղեկավարության հետ Փաշինյանի շփումներից Խուզարկվում են ԱԺԲ գրասենյակներն ու անդամների տները մոտ 40 հասցեում Խուզարկել են Ժիրայր Սեֆիլյանի, Արա Պապյանի և այլոց տները |