Ինեկոբանկն օտարերկրյա նոր ներդրումներ է ներգրավել՝ աջակցելու ՓՄՁ-ներին 1 հոկտեմբերի 2021 - 18:57 AMT PanARMENIAN.Net - Ինեկոբանկի և Վերակառուցման և զարգացման եվրոպական բանկի (ՎԶԵԲ) միջև կնքված EBRD SMEC ծրագրի շրջանակում նախատեսվում է ներգրավել 5 մլն դոլար, որը կուղղվի ՓՄՁ-ների մրցունակության բարձրացմանը, մասնավորապես՝ էներգաարդյունավետ և վերականգնվող էներգիայի ներդրումների խթանման միջոցով։ Տվյալ ծրագրի շրջանակում մատչելի ֆինանսավորման հետ մեկտեղ Ինեկոբանկի հաճախորդները հնարավորություն կունենան նաև ստանալ մինչև 15% դրամաշնորհ Եվրոպական միությունից, որն էլ ավելի կխթանի նոր տեխնոլոգիաների կիրառումը ՓՄՁ-ների շրջանում։ «Փոքր և միջին ձեռնարկությունները հանդիսանում են երկրի տնտեսության շարժիչ ուժը և Ինեկոբանկը մշտապես կարևորում է վերջիններիս խթանմանն ուղղված ներդրումները: Այս գործընթացներում իր ուրույն տեղն ունի մեր վաղեմի գործընկեր ՎԶԵԲ-ը, որի հետ համագործակցությունն ավելի քան 15 տարվա պատմություն ունի», նշում է Ինեկոբանկի գործադիր տնօրեն Արեն Նալթակյանը։
Նոր ծրագրի գլխավոր նպատակներից մեկն է օգնել տեղական բիզնեսներին բարելավել մատուցվող ծառայությունների և արտադրանքի որակը՝ համապատասխանեցնելով վերջիններս եվրոպական բարձր ստանդարտներին: Սա հնարավորություն կտա Ինեկոբանկի բիզնես հաճախորդներին մրցունակ լինել եվրոպական շուկաներում որպես արտահանող։ Ծրագրի շրջանակում ՓՄՁ-ները նաև տեխնիկական խորհրդատվություն ստանալու հնարավորություն կունենան, ինչի արդյունքում հնարավոր կլինի բացահայտել լրացուցիչ հեռանկարային ներդրումային ուղղություններ, որոնք կնպաստեն բիզնեսի արդյունավետության և որակի բարձրացմանը։ Օտարերկրյա ներդրումները կարևորագույն ազդեցություն ունեն ինչպես առանձին տնտեսվարողների, այնպես էլ ամբողջ երկրի տնտեսության համար։ 2005թ.-ից ցայսօր Ինեկոբանկը ՎԶԵԲ-ից ներգրավել է մոտ 100 մլն ԱՄՆ դոլարի միջոցներ, որոնք ուղղվել են հիմնականում փոքր և միջին ձեռնարկությունների զարգացման ծրագրերի ֆինանսավորմանը։ Համագործակցության շրջանակներում իրականացվել են մի շարք ծրագրեր, որոնցից առանձնանում են հատկապես կլիմայի համարվողականությանը և բնական ռեսուրսների խնայողաբար օգտագործմանն ուղղված ծրագրերը։
«Վերջին շրջանում հատկապես շատ ակտիվ համագործակցում ենք կանաչ ֆինանսավորման ոլորտում և ՎԶԵԲ աջակցությամբ մեկ այլ ծրագրի շրջանակում միայն 2021թ-ին արդեն իրականացրել ենք ՓՄՁ-ների ավելի քան 5 մլն ԱՄՆ դոլարի էներգախնայող և վերականգնվող էներգիային ուղղված նախագծերի ֆինանսավորում: Վստահ ենք, որ այս ծրագիրը ևս կնպաստի մեր ՓՄՁ հաճախորդների արդյունավետության բարձրացմանը»,- ասել է Ինեկոբանկի Կորպորատիվ բիզնեսի տնօրեն Արտեմ Չիչյանը։
Հայաստանում ՎԶԵԲ-ի ղեկավար Դիմիտրի Գվինդաձեն նշել է․ «Այս նոր ֆինանսավորումը կբարելավի հայաստանյան ձեռնարկությունների մրցունակությունը` օգնելով նրանց ներդրումներ կատարել ժամանակակից տեխնոլոգիաներում: Դա ընկերություններին թույլ կտա ամրապնդվել տեղական մակարդակում և օգտվել միջազգային առևտրի հնարավորություններից»: Հայաստանում Եվրոպական միության պատվիրակության ղեկավար, դեսպան Անդրեա Վիկտորինն ասել է․ «ԵՄ-ն հանձնառու է աջակցել փոքր բիզնեսին՝ համաձայն Արևելյան գործընկերության տնտեսական և ներդրումային ծրագրի և ԵՄ-Հայաստան Համապարփակ և ընդլայնված գործընկերության համաձայնագրի: «ԵՄ-ն՝ բիզնեսի համար-ՎԶԵԲ վարկային գիծ» ծրագիրը կաջակցի կանաչ բիզնեսներին, որոնք, մեր կարծիքով, Հայաստանի ապագան են: ԵՄ-ի ընդհանուր ներդրումը «ԵՄ-ն՝ բիզնեսի համար-ՎԶԵԲ վարկային գիծ» ծրագրում, որը ներառում է տարբեր հայկական բանկեր, կազմում է 6 միլիոն եվրո»:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |