ՀՀ, ՌԴ և Ադրբեջանի հոգևոր առաջնորդները կոչ են արել նպաստել ռազմագերիների ազատմանը13 հոկտեմբերի 2021 - 18:28 AMT PanARMENIAN.Net - ՀՀ, ՌԴ և Ադրբեջանի հոգևոր առաջնորդներ Ամենայն Հայոց կաթողիկոս Գարեգին Բ-ն, Համայն Ռուսիո պատրիարք Կիրիլը և Կովկասի մահմեդականների վարչության նախագահ շեյխ ուլ-իսլամ Ալլահշուքյուր Փաշազադեն Մոսկվայում տեղի ունեցած եռակողմ հանդիպմանը կոչ են արել պարզել անհետ կորածների ճակատագիրը, նպաստել ռազմագերիների ազատ արձակման գործընթացին և թույլ չտալ տարածաշրջանում խաղաղ բնակիչների կյանքին սպառնացող զենքի կիրառումը: Հոգևոր առաջնորդները նաև կոչ են արել հարգել Լեռնային Ղարաբաղի տարածքում գտնվող սրբավայրերը, գերեզմանոցներն ու պատմական հուշարձանները, գրում է ՌԻԱ Նովոստին։ Եռակողմ հանդիպումից հետո տարածված հայտարարության մեջ մասնավորապես ասվում է․ «Կոչ ենք անում պարզել անհետ կորածների ճակատագիրը, նպաստել ռազմագերիների ազատ արձակման գործընթացին և թույլ չտալ տարածաշրջանում խաղաղ բնակիչների կյանքին սպառնացող զենքի կիրառում: Ադրբեջանցի և հայ ժողովրդների գոյակցությանն այլընտրանք չկա։ Այսօր հատկապես կարևոր է վերականգնել մարդկանց վստահությունը, կրկին սովորել ընկալել հարևանին հարգանքով և փոխօգնության պատրաստակամությամբ։ Նման վերաբերմունքի գրավականը հարգանքն է սրբավայրերի, պատմական հուշարձանների և գերեզմանոցների, այլ հավատի մարդկանց կրոնական զգացմունքների նկատմամբ։ Հոգևոր առաջնորնդերը կոչված են օգտագործելու իրենց հեղինակությունն ի նպաստ բարիդրացիական մթնոլորտի ստեղծմանն ու պահպանմանը կրոնների և ժողովրդների միջև»,-ասվում է ուղերձում։ Հոգևոր առաջնորդները նաև կոչ են արել երիտասարդությանը հրաժարվել ծայրահեղականությունից և ագրեսիայից, խուսափել ատելության խոսքից և Լեռնային Ղարաբաղում ռազմական գործողությունները վերսկսելու կոչերից։ Հոկտեմբերի 12-ին Համայն Ռուսիո պատրիարք Կիրիլը առանձնազրույցներ էր ունեցել Հայաստանի և Ադրբեջանի հոգևոր առաջնորդների հետ։ Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին |