Զուրաբյան․ Նիկոլականներին դավաճան անվանելու համար պատգամավորին բռնի ուժով ԱԺ ամբիոնից հեռացնելը զզվանք է առաջացնում

Զուրաբյան․ Նիկոլականներին դավաճան անվանելու համար պատգամավորին բռնի ուժով ԱԺ ամբիոնից հեռացնելը զզվանք է առաջացնում

PanARMENIAN.Net - Հայ ազգային կոնգրեսի փոխնախագահ Լևոն Զուրաբյանը, ֆեյսբուքյան իր էջում անդրադառնալով ԱԺ-ում Գեղամ Մանուկյանին հեռացնելու հետ կապված միջադեպին, գրել է, որ «նիկոլականներին դավաճան անվանելու համար պատգամավորին բռնի ուժով ԱԺ ամբիոնից հեռացնելը զզվանք է առաջացնում»։

«Պատգամավորն իր լիազորությունների ժամկետում և դրանից հետո չի կարող հետապնդվել և պատասխանատվության ենթարկվել պատգամավորական գործունեության շրջանակներում հայտնած կարծիքի կամ քվեարկության համար»: Այսպես է գրված Սահմանադրության 96 հոդվածում: Սա սահմանադրական նորմ է, որը սահմանում է հատուկ ազատություն` Հայաստանի Հանրապետության Ազգային Ժողովի պատգամավորի համար: Սա ազատ խոսքի և ֆունկցիոնալ պառլամենտարիզմի գլխավոր երաշխիքներից մեկն է ցանկացած ժողովրդավարական երկրում:

Դաշնակցությունը, Գեղամ Մանուկյանը և, ընդհանրապես, ոչմիթիզականությունը (այդ թվում ընդամենը մեկ տարի առաջ նրա նվիրյալ ռահվիրա Նիկոլ Փաշինյանը) ուղղակի պատասխանատվություն են կրում վերջին պատերազմի և Հայաստանի նվաստացուցիչ պարտության հետևանքների համար: Սակայն, այն տեսարանը, երբ նիկոլականներին դավաճան անվանելու համար պատգամավորին բռնի ուժով հեռացնում են Ազգային Ժողովի ամբիոնից, զզվանք է առաջացնում և ցույց տալիս, որ ներկա իշխանությունները թքած ունեն ժողովրդավարական ազատությունների և դրանք ամրապնդող սահմանադրության վրա:

Ռոբերտ Քոչարյանի ժամանակ հնարեցին պատգամավորների «ականջները քաշելու մասին» օրենքը և փորձեցին այլ պատգամավորների ձեռքերով խափանել ընդդիմության ելույթները, Սերժ Սարգսյանի օրոք ամեն տեսակի «դաղալություններով» մերժում էին վարման կարգի վերաբերյալ ելույթների հայտերը կամ մանր խորամանկությամբ ժամանակից շուտ անջատում խոսափողը: Բայց վարողի որոշմամբ բռնի ուժով արգելել ոչ հայհոյական կարծիք հայտնելը, եթե հնչեցրած բառապաշարը դուր չի գալիս իշխանությանը, նման բան երբեք չի եղել և իսկապես «աննախադեպ» է»,-ասվում է գրառման մեջ:

Ըստ Զուրաբյանի՝ «սրանք պատրաստ են իրենց պողպատե «ժողովրդավարական մուրճով» ժողովրդավարության հերը անիծել»:

«Ուրիշ ճանապարհ էլ չունեն. այլապես հնարավոր չէ կանգնեցնել իրենց խայտառակ կառավարմամբ մեր գլխին բերած ազգային աղետի հետևանքով աճող դժգոհությունը:

Մի բան պարզ է. վախը դարձել է այս իշխանության գլխավոր հոգեվիճակը: Դա որևէ լավ բան չի խոստանում ո´չ նրանց, և ո´չ էլ Հայաստանին»,-ասվում է գրառման մեջ:

ԱԺ հոկտեմբերի 26-ի նիստում «Հայաստան » խմբակցության պատգամավոր Գեղամ Մանուկյանը հայտարարեց, թե սրիկայությունը շատ օրինակներով կարելի է ասել, բայց Արցախն ուրացողը դավաճան է: ԱԺ նիստը նախագահող Ռուբեն Ռուբինյանը անվտանգության աշխատողներին կոչ արեց Գեղամ Մանուկյանին հեռացնել ամբիոնի մոտից։ Մանուկյանին քարշ տալով հեռացրեցին նիստերի դահլիճից:

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---