Միշելը հաջող է համարել ուղիղ կապի հաստատումը ՀՀ և Ադրբեջանի ՊՆ ղեկավարների միջև 15 դեկտեմբերի 2021 - 13:47 AMT PanARMENIAN.Net - Եվրոպական խորհրդի նախագահ Շառլ Միշելը՝ դեկտեմբերի 14-ին իր և ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի մասնակցությամբ Բրյուսելում կայացած եռակողմ հանդիպումից հետո տարածած հայտարարության մեջ հաջող է որակել ուղիղ կապի հաստատումը ՀՀ և Ադրբեջանի ՊՆ ղեկավարների միջև։ Նա բարձր է գնահատել երկու երկրների ղեկավարների ձեռնարկած քայլերը՝ ուղղված լարվածության նվազմանը ՀՀ և Ադրբեջանի սահմանին վերջին զինված բախումներից հետո։ «Մասնավորապես, հաջող է համարվել Եվրոպական խորհրդի նախագահ Շառլ Միշելի աջակցությամբ ուղիղ կապի հաստատումը ՀՀ և Ադրբեջանի ՊՆ ղեկավարների միջև։ Այդ մեխանիզմը կարող է ծառայել ապագայում միջադեպերի կանխարգելմանն ու դրական ազդեցություն ունենալ՝ նպաստելով տեղում լարվածության նվազմանը»,-ասվում է հայտարարության մեջ։ Միշելն ընդգծել է, որ վճռորոշ նշանակություն ունի առանցքային հումանիտար խնդիրների լուծումը։ Նա ողջունել է Ադրբեջանի կողմից պահվող 10 հայերի փոխանցումը Հայաստանին և ՀՀ կողմից ականապատ տարածքների քարտեզների տրամադրումը։ Միշելը նաև հորդորել է արագ և ամբողջությամբ լուծել բոլոր չկարգավորված հումանիտար հարցերը, այդ թվում նոր ձերբակալվածների ազատ արձակումը և անհետ կորածների ճակատագիրը պարզելը՝ նշելով, որ նման հումանիտար ժեստերը երկու կողմից նպաստում են վստահության ամրապնդմանը և խաղաղությանն ու հաշտեցմանը նպաստող իրավիճակի ստեղծմանը։ Եվրոպական խորհրդի նախագահ Շառլ Միշելի հայտարարության մեջ ասվում է նաև, որ Եվրամիությունը փորձագիտական առաքելություն կտրամադրի ՀՀ և Ադրբեջանի միջև սահմանազատման ու սահմանգծման հարցի լուծման համար։ «ԵՄ-ն փորձագետների/խորհրդատվական խմբի առաքելություն կտրամադրի սահմանազատման և սահմանագծման համար՝ երկու երկրներին տեխնիկական օգնություն տրամադրելու միջոցով»,-ասվում է հայտարարության մեջ։   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Հայաստանն ու Ադրբեջանը նախնական համաձայնեցրել են սահմանագծի առանձին հատվածները  Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրովԱդրբեջանում ևս մեկ լրագրող է ձերբակալվել Հոդվածն այն մասին էր, որ Ալիևը մասնակցում է օտարերկրյա դրամաշնորհների ապօրինի ստացմանըՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնումԼավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են |
