Բայդենը մտադիր է լրացուցիչ զորքեր ուղարկել Արևելյան Եվրոպա29 հունվարի 2022 - 12:42 AMT PanARMENIAN.Net - ԱՄՆ նախագահ Ջո Բայդենը հունվարի 28-ին հայտարարել է, որ ԱՄՆ-ն մտադիր է լրացուցիչ զորքեր տեղակայել Արևելյան Եվրոպայում՝ այդ տարածաշրջանում ներկայությունը հզորացնելու ՆԱՏՕ-ի երկրների ծրագրի շրջանակում։ Բայդենը հայտարարել է, որ ԱՄՆ զորքերը կգործուղվեն Հյուսիսատլանտյան դաշինքի արևելյան հատված «մոտ ապագայում»՝ նշելով միայն, որ դրանք մեծաքանակ չեն լինի, գրում է Deutsche Welle-ն։ ԱՄՆ պաշտպանության նախարար Լլոյդ Օսթինը նույն օրը հայտարարել է, որ զորքեր ուղարկելու վերաբերյալ հրաման չեն ստացել։ Ըստ նրա, նրանք «ծավալումը նախապատրաստելու» ռեժիմում են և պատրաստ կլինեն գործել, եթե ՆԱՏՕ-ն հրաման տա։ Նա խոսել է 8500 զինվորի մասին, որոնք բարձր պատրաստականության են բերվել հունվարի 24-ից։ Բայդենն այն ժամանակ ասել էր, որ դա նախազգուշական քայլ է և որ ԱՄՆ-ն զորքեր չի ուղարկի Ուկրաինա։ Եվրոպայում սովորաբար տեղակայված են տասնյակ հազարավոր ամերիկացի զինծառայողներ, այդ թվում՝ մոտ 35,500 Գերմանիայում։ Ռուսաստանը պահանջել էր ՆԱՏՕ-ից չընդլայնվել դեպի արևելք և չընդունել Ուկրաինային դաշինքի կազմում։ ԱՄՆ-ն և ՆԱՏՕ-ն պատասխանել են անվտանգության երաշխիքների մասին ՌԴ առաջարկներին՝ դաշինքի ընդլայնումից չեն հրաժարվելու։ Վերջին շրջանում Ուկրաինան և Արևմուտքի մի շարք երկրներ հայտարարում են, թե Ռուսաստանը մտադիր է հարձակվել Ուկրաինայի վրա և այդ նպատակով ռազմական ուժեր է կուտակում Ուկրաինայի հետ սահմանին։ ՌԴ նախագահի մամուլի քարտուղար Դմիտրի Պեսկովն այդ տեղեկությունները սին և անհիմն է անվանել և հավելել է, որ Ռուսաստանը ոչ մեկի համար սպառնալիք չէ։ Նա չի բացառել նման հայտարարություններն արդարացնելուն միտված սադրանքների հնարավորությունը և զգուշացրել է, որ Ուկրաինայի հարավ-արևելքում ուժային լուծման փորձերը շատ լուրջ հետևանքներ կունենան։ Photo. Getty Images Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |