Երևանի մի շարք փողոցներ փակ են․ Անհնազանդության ակցիաների 120 մասնակից բերման է ենթարկվել 2 մայիսի 2022 - 10:33 AMT PanARMENIAN.Net - Ընդդիմությունը և նրան սատարող քաղաքացիները մայիսի 2-ի վաղ առավոտից անհնազանդության ակցիաներ են սկսել Երևանում։ Փակ են մի շարք փողոցներ, հիմնականում՝ կենտրոնում։ ԱԺ փոխխոսնակ ՀՅԴ Գերագույն մարմնի ներկայացուցիչ Իշխան Սաղաթելյանը հայտարարել է, որ մայրաքաղաքում 14 փողոց է փակված և հորդորել է մարդկանց դուրս գալ փողոց և միանալ ակցիաներին։ Ոստիկանությունը բերման է ենթարկում ակցիաների մասնակիցներին։ Բերման է ենթարկվել նաև ՀՀԿ փոխնախագահ Արմեն Աշոտյանը։ Այդ մասին նա ինքն է հայտնել ֆեյսբուքյան իր էջում։ «Ինձ և ևս մի քանի տասնյակ հոգի բերման ենթարկեցին։ Հիմա Կենտրոնի բաժանմունքում ենք։Իսկ մեր պայքարը շարունակվելու է»,- գրել է նա։ Ոստիկանության հասարակայնության հետ կապերի վարչությունից հայտնել են, որ ժամը 09։40-ի դրությամբ 120 մարդ բերման է ենթարկվել ոստիկանության բաժիններ, տեղեկացնում է Panorama.am-ը։ Մայիսի 1-ին մայրաքաղաքի Ֆրանսիայի հրապարակում հանդիպել են արդեն օրեր շարունակ տարբեր մարզերից քայլերթով Երևան եկող բողոքի ակցիաների մասնակիցները։ Հրապարակում վրաններ են տեղադրվել, հայտարարվել է, որ չեն հեռանալու։ Տեղի ունեցած հանրահավաքում հայտարարվել է անհնազանդության ակցիաների, փողոցներ փակելու մեկնարկի մասին։ ԱԺ փոխնախագահ Իշխան Սաղաթելյանը կոչ է արել քաղաքացիներին առավոտյան 08:15-ից հավաքվել Ֆրանսիայի հրապարակում, որպեսզի պարալիզացնեն ամբողջ Կենտրոն համայնքը։ Առավոտյան մեկնարկել են անհնազանդության ակցիաները։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |