Երևանում ճարտարապետական բացառիկ լուծումներով բիզնես համալիր կկառուցվի

Երևանում ճարտարապետական բացառիկ լուծումներով բիզնես համալիր կկառուցվի

PanARMENIAN.Net - Երևանում, Ձորագյուղ ազգագրական թաղամասի տարածքում, ճարտարապետական բացառիկ լուծումներով բազմաֆունկցիոնալ բիզնես համալիր կկառուցվի: Կառավարությունը հավանություն է տվել Սուրեն և Հասմիկ Փահլևանյանների 10 մլն դոլարի ներդրումային ծրագրին։

Միջազգային չափանիշներին համապատասխան և ռելիեֆային անկումով հողատարածքի համար նախատեսված բացառիկ լուծումներով համալիրի շինարարությունը կտևի 2-3 տարի։

Համալիրը կունենա բնակելի և բիզնես տարածքներ, ինչպես նաև հատուկ մշակութային միջոցառումների համար նախատեսված սրահ։ Արդեն պայմանավորվածություն է ձեռք բերվել Սերգեյ Փարաջանովի տուն-թանգարանի հետ որոշակի նմուշների ցուցադրության մասով:

Շինությունն ունենալու է երեք հարկից բաղկացած ավտոկայանատեղi և ճարտարապետական նորագույն լուծումներով այգի: Ծրագիրը ներառելու է նաև հարակից տարածքների բարեկարգում և ընդհանուր առմամբ կարող է լավ սկիզբ հանդիսանալ Հրազդանի կիրճի ճարտարապետական միջավայրի ձևավորման և հետագա զարգացման համար։

Կստեղծվի 150-200 նոր աշխատատեղ։

 Ուշագրավ
Ուսումնասիրությունները մեկնարկել են Փաշինյանի հանձնարարությամբ
Երասխում պողպատի գործարանի կառուցման համար ընկերությունը ներդրել էր 2 միլիարդ դրամ
Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը
Կապահովվի խաղողի մթերումների գործընթացի կազմակերպումը
---