ԱԽ քարտուղարը բացառել է ՀՀ տարածքով միջանցքային տրամաբանությամբ որևէ ճանապարհի դիտարկումը 1 հուլիսի 2022 - 11:28 AMT PanARMENIAN.Net - ԱԽ քարտուղար Արմեն Գրիգորյանը, արձագանքելով Ադրբեջանի նախագահ Իլհամ Ալիևի հայտարարությանը, ըստ որի միջանցքն իրականություն է դառնում, բացառել է Հայաստանի տարածքով միջանցքային տրամաբանությամբ որևէ ճանապարհի դիտարկումը: «Պաշտոնական Երևանը նոյեմբերի 9-ից հետո սրան արձագանքում է, և ոչ միայն պաշտոնական Երևանը, այլ նաև պաշտոնական Մոսկվան, պաշտոնական Բրյուսելն այս մասին ասել են: Կարծում եմ՝ բանակցային գործընթացի ընկալման խնդիր կա, որովհետև բոլորը հայտարարում են, որ միջանցք երբեք չի քննարկվել, բայց ադրբեջանական կողմը դրա մասին հայտարարում է անհասկանալի պատճառներով»,-ասել է Գրիգորյանը հունիսի 30-ին կառավարության նիստից հետո, հայտնում է Panorama.am-ը։ Հիշեցնելով, որ ապաշրջափակման հարցը քննարկվել է Մոսկվայում և Բրյուսելում՝ Արմեն Գրիգորյանն ասել է. «Եթե հիշում եք՝ երկար ժամանակ Ադրբեջանն ասում էր, որ միջանցք է քննարկվում, և եթե չեմ սխալվում` անցյալ տարի նոյեմբերի 6-ին, երբ ՌԴ փոխվարչապետ Օվերչուկը գտնվում էր Երևանում, հայտատարեց, որ միջանցքային տրամաբանությամբ որևէ հարց չի քննարկվում»: Նա նկատել է, որ նույնը տեղի էր ունեցել բրյուսելյան բանակցություններից հետո, երբ Ադրբեջանը հայտարարել էր, որ միջանցք է քննարկում, իսկ նախագահ Միշելի խոսնակը հայտարարություն էր տարածել, որ որևէ միջանցք երբևէ չի քննարկվել: «Սա ցույց է տալիս, որ բանակցություններում մեր մոտեցումը միշտ սա է եղել, և շարունակելու է սա մնալ»,-հայտարարել է Գրիգորյանը: Ըստ ԱԽ քարտուղարի՝ Ադրբեջանի հետ քննարկվող օրակարգային հարցերը չորսն են՝ հումանիտար հարցեր՝ առաջնահերթը գերիների վերադարձն ու անհետ կորած անձանց մասին տեղեկություններ հավաքագրելը, ապաշրջափակումը, սահմանազատումը և սահմանագծումը, ինչպես նաև ԼՂ հիմնախնդրի կարգավորումը: Ավելի վաղ Թուրքիայի արտաքին գործերի նախարար Մևլութ Չավուշօղլուն էր հայտարարել, թե «սպասում են Զանգեզուրի միջանցքի բացմանն ամենասեղմ ժամկետում։ ՀՀ իշխանությունները մշտապես կրկնում են, որ Հայաստանը «միջանցքի տրամաբանության հարց չի քննարկել և չի քննարկում», այլ խոսք կարող է լինել միայն տրանսպորտային հաղորդակցությունների գործարկման մասին։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |