Լուկաշենկոն՝ Զասին․ Ինչ-որ տեղ սարերում կիսում են այդ սահմանը՝ ի՞նչ սարեր, հաշտվեք 1 նոյեմբերի 2022 - 17:18 AMT PanARMENIAN.Net - Բելառուսի նախագահ Ալեքսանդր Լուկաշենկոն ՀԱՊԿ գլխավոր քարտուղար Ստանիսլավ Զասի հետ հանդիպմանը, նոյեմբերին կայանալիք ՀԱՊԿ հերթական գագաթնաժողովին ընդառաջ անդրադառնալով իրավիճակին հայ-ադրբեջանական սահմանին, ասել է, որ ՌԴ-ն վաղուց արդեն միջնորդ է ՀՀ և Ադրբեջանի միջև և դա միանգամայն բավարար է, հայտնում է Բելառուսի նախագահի մամուլի ծառայությունը։ «Հիմա պետք է վերջնական հաշտվել․․․ Դե դու այնտեղ եղել ես։ Ինչ-որ տեղ սարերում, ինչպես ինձ պատմել են, կիսում են այդ սահմանը։ Լսիր, ի՞նչ սարեր։ Դե պայմանավորվե՛ք։ Որ դեպի Նախիջևան ազատ անցում լինի։ Կարծես Լեռնային Ղարաբաղի հարցում որոշել են»,- ասել է Լուկաշենկոն։ Նա հավելել է, որ պատերազմն ավարտվել է, կողմերը որպես միջնորդ դիմել են Ռուսաստանին։ «ՌԴ-ն այնտեղ հարյուրավոր մարդկանց է ուղարկել։ Հիշում ենք՝ ինչպես էին ինքնաթիռները թռչում։ Ռուս սահմանապահները բոլոր հատվածներում են՝ և Թուրքիայի հետ սահմանին, և Իրանի, և ՀՀ ու Ադրբեջանի միջև։ Էլ ի՞նչ է հարկավոր․․․ Ես հասկանում եմ, թե ինչ խաղ է գնում, ինչո՞ւ ԵՄ-ին ներքաշեցին, ինչո՞ւ են ուզում ՀԱՊԿ-ը ներքաշել։ Ի՞նչ են այնտեղ անելու, եթե արդեն կա միջնորդ։ ՀԱՊԿ-ին էլ ուզում են ներքաշել, կարծես մենք ավել գործ չունենք»,- ասել է Լուկաշենկոն։ Հոկտեմբերի 31-ին Սոչիում տեղի է ունեցել Հայաստանի վարչապետ Նիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի եռակողմ հանդիպումը, որի արդյունքում հայտարարություն է ընդունվել։ Հայտարարության մեջ չի հիշատակվում Լեռնային Ղարաբաղը, խոսվում է ռուսական խաղաղապահ զորախմբի առանցքային ներդրման մասին իր տեղակայման գոտում անվտանգության ապահովման գործում։ Նշվում է նաև, որ կողմերը պայմանավորվել են զերծ մնալ ուժի կիրառումից կամ դրա կիրառման սպառնալիքից, քննարկել և լուծել բոլոր խնդրահարույց հարցերը բացառապես ինքնիշխանության, տարածքային ամբողջականության և սահմանների անձեռնմխելիության փոխադարձ ճանաչման հիման վրա՝ համաձայն ՄԱԿ-ի կանոնադրության և 1991թ Ալմա-Աթայի Հռչակագրի։ Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» Հայաստանն ու Ադրբեջանը նախնական համաձայնեցրել են սահմանագծի առանձին հատվածները Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրով |