Կլաար․ Ադրբեջանն ու Հայաստանը պետք է զսպվածություն դրսևորեն և ուժեղ քաղաքական կամք

Կլաար․ Ադրբեջանն ու Հայաստանը պետք է զսպվածություն դրսևորեն և ուժեղ քաղաքական կամք

PanARMENIAN.Net - Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը, անդրադառնալով Ադրբեջան կատարած այցին, Twitter-ի իր միկրոբոլգում գրել է, որ խնդիրները շատ են և որ զսպվածություն և ուժեղ քաղաքական կամք է հարկավոր։

«Մի քանի մտորում անցած շաբաթվա վերջին Ադրբեջան այցի արդյունքների վերաբերյալ․

-Ադրբեջանի նախագահի կարևոր հավատարմությունը ԵՄ կողմից աջակցություն ստացած ձևաչափին։

-Շատ մարտահրավեր դեռ պահպանվում են. համապարփակ կարգավորման հասնելու համար Ադրբեջանն ու Հայաստանը պետք է զսպվածություն դրսևորեն և ուժեղ քաղաքական կամք՝ լարվածությունը թուլացնելու համար»,-ասվում է գրառման մեջ։

Ադրբեջանի նախագահ Իլհամ Ալիևը հայտարարել է, որ դեկտեմբերի 7-ին Բրյուսելում ՀՀ վարչապետ Նիկոլ Փաշինյանի հետ կայանալիք հանդիպումը չի կայանա։ «Հանդիպումը Բրյուսելում պետք է կայանար դեկտեմբերի 7-ին։ Սակայն, երեկ Հիքմեթ Հաջիևն ինձ տեղեկացրել է, որ Եվրոպայի խորհրդի նախագահ Շառլ Միշելի գրասենյակից նրան ասել են, որ ՀՀ վարչապետ Նիկոլ Փաշինյանը համաձայն է հանդիպման միայն Ֆրանսիայի նախագահ Էմանուել Մակրոնի մասնակցության պայմանով։ Դա նշանակում է, որ հանդիպումը չի կայանա»,-ասել է Ալիևը։

Եվրոպական քաղաքական համայնքի գագաթնաժողովի շրջանակում Պրահայում հոկտեմբերի 6-ին տեղի է ունեցել ՀՀ վարչապետ Նիկոլ Փաշինյանի, Էմանուել Մակրոնի, Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի քառակողմ հանդիպումը, որի արդյունքում հայտարարություն է ընդունվել, որով կողմերը հաստատել են հանձնառությունը, որ ճանաչում են միմյանց տարածքային ամբողջականությունն ու ինքնիշխանությունը և համաձայնություն են տվել ԵՄ քաղաքացիական առաքելության տեղակայմանը ՀՀ-Ադրբեջան սահմանին, որի առավելագույն ժամկետը 2 ամիս է։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---