Ավանեսյան․ 44-օրյայից դեռ ունենք նույնականացված, բայց չհուղարկավորված մարմիններ 30 նոյեմբերի 2022 - 15:10 AMT PanARMENIAN.Net - Առողջապահաության նախարար Անահիտ Ավանեսյանը, անդրադառնալով 44-օրյա պատերազմի զոհերի չհուղարկավորված մարմինների խնդրին, ասել է, որ դեռ կան նույնականացված, բայց չհուղարկավորված մարմիններ։ Այդ մասին նա ասել է Գյումրիում, որտեղ շրջայց է կատարել բժշկական հաստատություններում, խորհրդակցություններ անցկացրել։ Ըստ Ավանեսյանի՝ մարմինները պարտադիր պիտի հուղարկավորվեն, չեն կարող երկարացնել այդ գործընթացը, որը ձգձգվում է այն պատճառով, որ նույնականացման արդյունքները ծնողների համար ընդունելի չեն եղել, գրում է Factor.am-ը։ Ըստ նրա, բարդ հոգեբանական խնդիր է, բայց փորձում են այնպիսի լուծումներ գտնել, որոնք կլինեն հնարավորինս ոչ ցավոտ՝ հաշվի առնելով կողմերի իրավունքներն ու շահերը։ «44-օրյա պատերազմից դեռ ունենք նույնականացված, բայց չհուղարկավորված մարմիններ։ Եվ մենք միացյալ աշխատանքն ենք տանում մեր այլ գերատեսչությունների գործընկերների հետ՝ ավարտելու այս պրոցեսը։ Երկրոդ տարին է արդեն լրանում, և մենք քրիստոնեական ծիսակատարություններով պետք է հուղարկավորենք մեր հերոսների մարմինները»,- ասել է Ավանեսյանը։ Ըստ նախարարի՝ Ադրբեջանի կողմից սեպտեմբերի 13-ին սանձազերծված ագրեսիայի հետևանքով բոլոր զոհերի մարմիններն արդեն նույնականացվել և հուղարկավորվել են, իսկ երկու օր առաջ ադրբեջանական կողմից փոխանցված 13 զինվորների մարմինները կհուղարկավորվեն փորձաքննությունների ընթացքն անցնելուց հետո։ Նոյեմբերի 28-ին հակառակորդի կողմից հայկական կողմին է վերադարձվել 2022 թվականի սեպտեմբերի 13-14-ին ին Ադրբեջանի Հանրապետության զինված ուժերի կողմից Հայաստանի Հանրապետության տարածքային ամբողջականության և ինքնիշխանության դեմ իրականացված ռազմական ագրեսիայի ընթացքում զոհված և առ այսօր Ադրբեջանի տիրապետության և վերահսկողության ներքո գտնված ՀՀ զինված ուժերի 13 զինծառայողների դիեր։   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց  Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ»Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նաՎենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններԱլիևը կրկին Զանգեզուրի միջանցք է պահանջում․ «ՀՀ–ն չի կարող հրաժարվել եռակողմ հայտարարության այդ դրույթից» «Այնտեղ գրված է, որ պետք է տրանսպորտային հաղորդակցություն լինի, որը հսկելու են ՌԴ սահմանապահները»,–ասել է նա |
