 Զախարովա․ Լաչինի միջանցքի համատեքստում ՌԴ խաղաղապահների քննադատությունն անընդունելի է 29 դեկտեմբերի 2022 - 15:00 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան, անդրադառնալով ՌԴ հասցեին հնչող քննադատությանը, հայտարարել է, որ Լաչինի միջանցքում իրավիճակի համատեքստում ՌԴ խաղաղապահների քննադատությունն անընդունելի է՝ Մոսկվան աշխատում է իրավիճակի բարելավման ուղղությամբ։ Այդ մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։ «Ինչ վերաբերում է քննադատությանը Ռուսաստանի, ռուս խաղաղապահ զորակազմի հասցեին, այս իրավիճակում ես դա անընդունելի եմ համարում։ Մենք բազմիցս ենք ասել, որ ռուս խաղաղապահներն անում են հնարավոր ամեն ինչ հողի վրա իրավիճակի կարգավորման համար։ Հրապարակային հանդիմանությունները գործին ոչ մի կերպ չեն օգնում, ավելի վատ իրավիճակներ էլ են եղել։ Աշխատում ենք, որ իրավիճակը բարելավվի»,-ասել է նա, գրում է ՏԱՍՍ-ը։ Մեկնաբանելով ՀՀ վարչապետ Նիկոլ Փաշինյանի դեկտեմբերի 29-ի հայտարարությունը՝ Զախարովան ասել է, որ «նման բաներ ասելն ու հայտարարելը նշանակում է, որ ուղղակի չեն ընկալվում հողի վրա առկա իրողությունները»։ «Ինչ-որ մեկը կարո՞ղ է պատասխանատու կերպով ասել, որ առանց խաղաղապահ զորախմբի ավելի լավ կլիներ։ Կարծում եմ, որ պատասխանն ակնհայտ է։ Ուստի, կարելի է որքան ասես խոսել այն մասին, որ պետք է բարձրացնել արդյունավետությունը և այլն, և, որ իրավիճակի հանգուցալուծմամբ չեն զբաղվում։ Բայց նման բաներ ասելն ու հայտարարելը նշանակում է, որ ուղղակի չեն ընկալվում հողի վրա առկա իրողությունները»,- ասել է նա։ Վարչապետ Նիկոլ Փաշինյանը, նշելով, որ ՌԴ-ն ու խաղաղապահները Լաչինի միջանցքի ու ԼՂ ժողովրդի անվտանգության ապահովման ուղիղ պարտավորություններ են ստանձնել, հայտարարել է, որ անընդունելի է ԼՂ հայաթափման լուռ վկա դառնալու ՌԴ խաղաղապահ զորախմբի գնալով ավելի տեսանելի դարձող գործելակերպը։ Միևնույն ժամանակ Փաշինյանը շեշտել է, որ Հայաստանը ԼՂ-ում ռուս խաղաղապահ զորախմբի ներկայության համոզված կողմնակիցն է ու ջատագովը։ «Եթե ՌԴ–ն օբյեկտիվ կամ սուբյեկտիվ պատճառներով չի կարողանում կայունություն ու անվտանգություն ապահովել ԼՂ–ում, կարծում եմ, պետք է քննարկում նախաձեռնի ՄԱԿ–ի ԱԽ–ում՝ ԼՂ-ում խաղաղապահ զորախմբին ՄԱԿ–ի լրացուցիչ մանդատով օժտելու կամ ԼՂ լրացուցիչ բազմազգ խաղաղապահ զորախումբ ուղարկելու հարց բարձրացնելով»,– ասել է Փաշինյանը։   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Վերջին լուրեր Հայաստան-Չեխիա ռազմատեխնիկական գործակցության մասով պայմանավորվածություններ կան  ՊՆ էին այցելել չեխական ռազմարդյունաբերական ընկերությունների ներկայացուցիչներԸստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներՍենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս |
