Փաշինյան․ Ադրբեջանը փորձում է ԼՂ էթնիկ զտման, ցեղասպանության մանդատ ձեռք բերել՝ այդ թվում ՀՀ ստորագրությամբ14 մարտի 2023 - 13:04 AMT PanARMENIAN.Net - Վարչապետ Նիկոլ Փաշինյանն ասուլիսում, պատասխանելով հարցին, թե կա արդյոք Արցախի ինքնորոշման իրավունքը կասկածի տակ դնող փաստաթուղթ, անդրադարձել է Ադրբեջանի հետ խաղաղության հնարավոր պայմանագրի շուրջ վերջին զարգացումներին։ Նա նշել է, որ 2-3 օր առաջ հայկական կողմը ստացել է Ադրբեջանի պատասխանը ՀՀ առաջարկներին և որոշակի առաջաընթաց կա, բայց, որքան «առաջ ենք գնում, այնքան ի հայտ են գալիս ֆունդամենտալ պրոբլեմներ»: «Մենք տեսնում ենք, որ Ադրբեջանը փորձում է խաղաղության հաստատման հնարավոր պայմանների միջոցով ՀՀ-ին տարածքային պահանջներ ներկայացնել, ինչը բնականաբար կարմիր գիծ է հայկական կողմի համար: Հաջորդը՝ այդ տեքստն առաջարկներով, Ադրբեջանը փորձում է ԼՂ էթնիկ զտման, ցեղասպանության մանդատ ստանալ՝ այդ թվում ՀՀ ստորագրությամբ, ինչը նույնպես կարմիր գիծ է մեզ համար․․․Հաջորդ խնդիրն այն է, որ Ադրբեջանը հետապնդում է այնպիսի գիծ, որ մենք պայմանագրի ստորագրման երաշխիքների համակարգ չունենանք, ինչը նույնպես կարմիր գիծ է մեզ համար, որովհետեւ այսօր ունենք գրված, ստորագրված փաստաթուղթ, որը չի կատարվում: Խոսքը նոյեմբերի 9-ի մասին է, որով Լաչինի միջանցքը պիտի փակ չլիներ, բայց այն փակ է: Ուստի ստորագրման ենթակա ցանկացած փաստաթուղթ պետք է ունենա իրականացման երաշխիքներ, ցանկալի է՝ միջազգային»,-ասել է նա։ Անդրադառնալով Լեռնային Ղարաբաղի հարցին՝ Փաշինյանն ասել է, որ ԼՂ ժողովրդի իրավունքների և անվտանգության հարցը չափազանց կարևոր է, բայց «ճիշտ կլինի, որ այդ հարցի առաջնային հետապնդողը, մանդատառուն լինի ԼՂ-ն»: Վարչապետը հիշեցրել է, որ Մյունխենում Ադրբեջանի նախագահն ինքն է ասել, որ ԼՂ հայերի իրավունքների և երաշխիքների հարցը միջազգային պայմանավորվածություն կա, սակայն, որոշ ժամանակ անց ի հայտ եկավ «ինտեգրացիա» տերմինy, այսինքն մեկ ամսվա ընթացքում Իլհամ Ալիևը բառամթերքը փոխվեց; «ԼՂ ժողովուրդների իրավունքների և անվտանգության հարցերի շրջանակը մեծ հաշվով ԼՂ ժողովուրդն ու պատգամավորներն իրենք պետք է որոշեն»,-ասել է նա։ Արցախի Ազգային Ժողովի «Ազատ հայրենիք-ՔՄԴ», «Միասնական հայրենիք», «Արդարություն», «Հայ հեղափոխական դաշնակցություն», «Արցախի ժողովրդավարական կուսակցություն» խմբակցությունները համատեղ հայտարարություն են տարածել` պահանջել է ՀՀ իշխանություններից կասկածի տակ չդնել Արցախի ժողովրդի ինքնորոշման իրավունքը։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համար Բագրատ սրբազան. Այս գործընթացը պետք է կասեցվի Նա հավելել է, որ Տավուշի մարզը պետք է ամրոց դարձնել Տավուշցիները կրկին բողոքի են դուրս եկել Նրանք ընդգծել են, որ իրենց բոլորովին այլ կերպ են ներկայացրել իրավիճակը Գուտերեշը կոչ է արել Ադրբեջանին և ՀՀ–ին լուծել բոլոր հարցերը հարաբերությունների կարգավորման համար Գլխավոր քարտուղարն ուշադիր հետևել է Հայաստանի և Ադրբեջանի միջև հարաբերությունների կարգավորման գործընթացին |