Ալիև․ ՀՀ և Ադրբեջանի ԱԳ նախարարների բանակցությունների հաջորդ փուլը կանցնի ՌԴ-ում՝ մայիսին

PanARMENIAN.Net - Ադրբեջանի նախագահ Իլհամ Ալիևը, անդրադառնալով ՀՀ և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի` Վաշինգտոնում ընթացող բանակցություններին, ասել է, որ բանակցությունների հաջորդ փուլը կանցնի ՌԴ-ում՝ մայիսին։

«Կարծում եմ, որ համաձայնության հասնելու լավագույն միջոցը ուղիղ բանակցություններն են Ադրբեջանի և Հայաստանի միջև, առանց միջնորդների, ֆասիլիտատորների և խոչընդոտների»,-ասել է նա, գրում է Haqqin.az-ը։

Նա ասել է, թե ուղիղ բանակցությունները երկու երկրների միջև «ավելի օգտակար և կարևոր կլինեն»։

«Կարծում եմ, մենք պետք է շարժվենք այս ուղղությամբ, եթե, իհարկե, Հայաստանն էլ է դրան պատրաստ»,-ասել է Ալիևը։

Մայիսի 1-ին ԱՄՆ պետքարտուղար Էնթոնի Բլինքենն առանձին հանդիպումներ է ունեցել ՀՀ և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի հետ, որին հաջորդել է եռակողմ հանդիպումը։

Մայիսի 4-ինՎաշինգտոնում կանցկացվի Հայաստանի և Ադրբեջանի ԱԳ նախարարների բանակցությունների եզրափակիչ փուլը՝ ԱՄՆ պետքարտուղարի մասնակցությամբ։ Հիմնական թեման հարաբերությունների կարգավորման համաձայնագիրն է։