 Միրզոյանը խոսել է Երևանի և Բաքվի միջև բանակցություններում առաջընթացի մասին 19 մայիսի 2023 - 17:45 AMT PanARMENIAN.Net - ՀՀ ԱԳ նախարար Արարատ Միրզոյանը Մոսկվայում ՌԴ և Ադրբեջանի իր պաշտոնակիցներ Սերգեյ Լավրովի և Ջեյհուն Բայրամովի հետ հանդիպմանը խոսել է Երևանի և Բաքվի միջև բանակցություններում առաջընթացի մասին։ «Կցանկանայի նշել առաջընթացը, որը գրանցվել է ենթադրյալ խաղաղության պայմանագրի մի քանի հոդվածներով, մի քանի թեմաներով»,-ասել է նա, գրում է ՏԱՍՍ-ը։ Միրզոյանը խոսել է նաև այլ հարցերի շուրջ ըմբռնման մասին։ «Կցանկանյի նշել ըմբռնումը նաև այլ թեմաների վերաբերյալ՝ հաղորդակցությունների բացում, ապաշրջափակում, հետագա սահմանազատում Ալմաթիի հռչակագրի հիման վրա։ Այստեղ կողմերն, անշուշտ, պետք է աշխատեն այդ գործընթացի պարամետրերի հետագա կոնկրետացման վրա»,-ասել է նա։ Մայիսի 1-ին ԱՄՆ Արլինգթոն քաղաքում տեղի է ունեցել Հայաստանի և Ադրբեջանի ԱԳ նախարարներ Արարատ Միրզոյանի և Ջեյհուն Բայրամովի երկկողմ հանդիպումը, նույն օրը Վաշինգտոնում էլ` եռակողմ հանդիպում Արարատ Միրզոյանի, ԱՄՆ պետքարտուղար Էնթոնի Բլինքենի և Ադրբեջանի ԱԳ նախարար Ջեյհուն Բայրամովի միջև։ Միրզոյանի ու Բայրամովի բանակցությունները տևել են մինչև մայիսի 4-ը։ Բանակցությունների ավարտին Բլինքենը հայտարարել էր զգալի առաջընթացի մասին։ Մայիսի 25-ին Մոսկվայում սպասվում է ՀՀ, ՌԴ և Ադրբեջանի ղեկավարներ Նիկոլ Փաշինյանի, Վլադիմիր Պուտինի և Իլհամ Ալիևի եռակողմ հանդիպումը։   Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին   Ամենաընթերցվողը բաժնում |  Վերջին լուրեր Ռուբեն Վարդանյանի որդին՝ CNN-ին․ Հացադուլից հետո հորս պահման պայմաններն ավելի են խստացվել  Վարդանյանն ասել է, որ գտնվում է մեկուսացման խցումՄակրոն․ Ֆրանսիայում նշում են Հայոց ցեղասպանության տարելիցը «Չմոռանաք՝ հայերն ու ֆրանսիացիները հավերժ կապված են»,–գրել է նաԷրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նաFreedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը» |
