  Բարելավված ջրամատակարարում ապահովելու համար կառավարությունը 70 մլն եվրո վարկ կվերցնի 26 փետրվարի 2026 - 15:48 AMT PanARMENIAN.Net - Բարելավված ջրամատակարարում ապահովելու նպատակով կառավարությունը պատրաստվում է ներգրավել 70 մլն եվրոյի վարկ։ Համաձայնագրի նախագիծը Ազգային ժողովի հանձնաժողովի նիստում ներկայացրել է Ջրային կոմիտեի նախագահ Արամազդ Ղալամքարյանը։ Նրա խոսքով՝ համաձայնագիրը ՀՀ-ի և Վերակառուցման և զարգացման միջազգային բանկի միջև է՝ Հայաստանի ջրի և ոռոգման ծառայությունների բարելավման ծրագրի առաջին փուլի իրականացման համար, հայտնում է Aysor.am-ը: Ծրագիրը միտված է ոռոգման, ջրամատակարարման և ջրահեռացման ոլորտների արդիականացմանն ու համակարգային բարեփոխմանը։ «Հարկ եմ համարում նշել, որ ծրագիրը համաֆինանսավորվելու է Ֆրանսիական զարգացման գործակալության ևս 70 մլն եվրոյի չափով և ՀՀ Կառավարության կողմից՝ հարկերի, տուրքերի և այլ վճարների տեսքով: Ծրագիրը բազմափուլային է, նախատեսվում է 5 տարվա համար։ Հաջող իրականացման դեպքում կլինի նաև ծրագրի երկրորդ փուլ։ Դրամական արտահայտությամբ առաջին փուլը կլինի 185 միլոն դոլար, երկրորդը՝ 250: Համաձայնագիրը ստացել է Սահմանադրական դատարանի հավանությունն ու դրական եզրակացությունը»,- նշել է նա։ «Վեոլիա Ջուր» ընկերությունը պարզաբանել է իր կայքում հրապարակված ջրամատակարարման ժամանակցույցը, որի համաձայն մայիսի 1-ից մինչև սեպտեմբերի 16-ը Երևանի և մարզերի մի շարք հասցեներում ջրամատակարարումն իրականացվելու է 17-ժամյա գրաֆիկով՝ առավոտյան ժամը 07:00-ից մինչև գիշերը 24:00-ը։ Ընկերությունն անդրադարձել է նոր ջրասպառողների թվի կտրուկ աճին և գիշերային ժամերին ջրի կորուստները կանխելու անհրաժեշտությանը: Ավելի ուշ հայտարարվել է, որ կառավարության միջամտության արդյունքում ջրամատակարարման ժամանակացույցի փոփոխություն տեղի չի ունենա:   Ուշագրավ Սեպտեմբերի 1-ից ուժի մեջ են մտել տաքսի ծառայության ոլորտի նոր կարգավորումները Նախարարը ենթադրում է` ՌԴ–ից ՀՀ ժամանող զբոսաշրջիկների թիվը կրճատվել է, քանի որ ռելոկանտների մի մասը վերադարձել է հայրենիք Կովկասում էլեկտրական ավտոբուսներ առաջինը Գյումրին են մտնում Նա նշել է, որ Իրանը 46 կմ սահման ունի ՀՀ հետ, որն ամենաանվտանգ սահմաններից է   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
