  Լեռնային Ղարաբաղի հիմնահարցի հիմնարար սկզբունքների շուրջ համաձայնագիրը կարող է ստորագրվել այս տարվա ընթացքու՞մ 6 հուլիսի 2009 - 17:30 AMT PanARMENIAN.Net - ՀՅ Դաշնակցությունը չի բացառում Լեռնային Ղարաբաղի հակամարտության հիմնարար սկզբունքների շուրջ համաձայնագիր ստորագրելու հնարավորությունն արդեն ընթացիկ տարում: Այդ մասին Երեւանում մամլո ասուլիսի ժամանակ հայտարարել է «Հայ դատ» գրասենյակի ղեկավար Կիրո Մանոյանը: «Մոսկվայում Ադրբեջանի եւ Հայաստանի նախագահների գալիք հանդիպման ժամանակ դժվար թե համաձայնագիր ստորագրվի, բայց տարվա ընթացքում դա բացառված չէ: Այդ փաստաթղթի ստորագրումը Թուրքիայի ճնշման հետեւանքը կլինի, քանի որ Անկարան մինչեւ այժմ Լեռնային Ղարաբաղի հակամարտության կարգավորումը ներկայացնում է որպես նախապայման հայ-թուրքական հարաբերությունների լավացման համար»,- ընդգծել է Մանոյանը:«Հայ դատ» գրասենյակի ղեկավարի խոսքերով, Երեւանի եւ Բաքվի միջեւ հիմնարար սկզբունքների շուրջ համաձայնագրի ստորագրումից հետո դեռ մի քանի տարի է պահանջվելու, որպեսզի ստորագրվի հակամարտության կարգավորման համաձայնագիր, որը Մանոյանի խոսքերով, չի բխում հայկական կողմի շահերից: «Բանակցությունների ձեւաչափն այնպիսին է, որ կողմերը կամ պետք է ընդունեն առաջարկությունների ողջ փաթեթը, կամ ոչինչ: ՀՅ Դաշնակցությունը դեմ է մադրիդյան սկզբունքներին: Մենք կարծում ենք, որ ղարաբաղյան հակամարտությունը կարող է կարգավորվել միայն փոխադարձ եւ հավասարազոր զիջումների ճանապարհով»,- ընդգծել է Կիրո Մանոյանը:   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Սյուժե Վերջին լուրեր Լավրով․ ՀՀ–ին բոլորից ձեռնատու է ԵվրԱզԷՍ–ը, հաշված է  Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունիCFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականինՌուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվենՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնում |
