Հայաստանն ու Սիրիան մտադիր են խորացնել երկկողմ համագործակցությունը 7 սեպտեմբերի 2009 - 12:37 AMT PanARMENIAN.Net - Հայ-սիրիական միջկառավարական հանձնաժողովը Հայաստան է ժամանել խորացնելու համար երկկողմ համագործակցությունը, լրագրողներին է ասել Սիրիայի Առեւտրա-արդյունաբերական պալատի տնօրենների խորհրդի անդամ, հայ-սիրիական միջկառավարական հանձնաժողովի նախագահ Լեւոն Զաքի Ետալեանը: Ըստ նրա, համագործակցության շրջանակները չեն սահմանափակվում միայն ապրանքների ներմուծմամբ ու արտահանմամբ, խոսքը գնում է նաեւ բանկային, գիտական ներուժի փոխանակման, ինչպես նաեւ երկկողմ համագործակցության ոլորտներում համագործակցության մասին: «Մի քանի տարի առաջ համագործակցությունը առեւտրատնտեսական ոլորտում թույլ էր զարգացած, այժմ մենք բոլոր ջանքերը գործադրում ենք այն խորացնելու համար»,-ասել է նա: Հայ-սիրիական միջկառավարական հանձնաժողովի նախագահը հաղորդել է, որ ապրանքաշրջանառությունը Հայաստանի ու Սիրիայի միջեւ կազմել է շուրջ 6 մլն դոլար, իսկ հանձնաժողովի աշխատանքը միտված է այդ ցուցանիշի ավելացմանը: Միեւնույն ժամանակ Ետալեանը նշել է, որ Սիրիան շահագրգիռ է խորացնել համագործակցությունը առեւտրի ոլորտում: Բացի այդ, Ետալեանը հավելել է, որ Սիրիայում շուրջ 100 000 հայ է բնակվում, եւ այդ համատեքստում կարեւորվում է հումանիտար համագործակցությունը, այս փուլում այդ ուղղությամբ շատ հանձնաժողովներ են ստեղծվում, որոնք կզբաղվեն այդ հարցերով: Երեւանում մեկնարկել է հայ-սիրիական երկկողմ տնտեսական, արդյունաբերական եւ գիտահետազոտական միջկառավարական հանձնաժողովի հինգերորդ նիստը: Վերջին տարիներին երկու երկրների միջեւ համագործակցության շրջանակներում իրականացվել են մի շարք ծրագրեր, ձեւավորվել է անհրաժեշտ օրենսդրական դաշտ, ստորագրվել է շուրջ 40 միջպետական, միջկառավարական եւ միջգերատեսչական փաստաթղթեր, որոնց մեծ մասն արդեն իրականացվել է: Նիստի շրջանակներում կողմերը կքննարկեն հետագա համագործակցության հեռանկարները, այդ թվում նոր ոլորտներում, մասնավորապես, հումանիտար ոլորտում համագործակցության մասին: Նիստի արդյունքում մի շարք փաստաթղթեր կստորագրվեն, որոնք վերաբերում են համագործակցության զարգացմանը առեւտրատնտեսական ոլորտում: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |