  Տեղի է ունեցել Գաֆեսճյան արվեստի կենտրոնի հանդիսավոր բացումը 7 նոյեմբերի 2009 - 20:52 AMT PanARMENIAN.Net - Այսօր տեղի է ունեցել Գաֆեսճյան արվեստի կենտրոնի հանդիսավոր բացումը: Բացմանը ներկա էին հայտնի հյուրեր` ականավոր չեխ քանդակագործ Յարոսլավa Բրիխտովան, ինչպես նաեւ լեգենդար «Բիթլզների» մենակատարներ Ջոն Լեննոնի եւ Ջորջ Հարրիսոնի նախկին կանայք` Սինտիա Լեննոնն ու Փեթթի Բոյդը, որոնq հրավիրվել են կենտրոնի բացման առթիվ: Արարողությունից անմիջապես հետո տեղի ունեցավ Յարոսլավա Բրիխտովայի «Լիբենսկի-Բրիխտովա» գրքի շնորհանդեսը: Յա. Բրիխտովան եւ Ստանիսլավ Լիբենսկին 20 դարի վառ գործիչներից են: Նրանց «Քեզ համար, Հայաստան» հավաքածուն ցուցադրված է «Սասունցի Դավիթ» սրահում: Ցուցադրությանը ներկայացված է նաեւ ջերարդ Գաֆեսճյանի խոշորագույն հավաքածուի մաս կազմող Լիբենսկու եւ Բրիխտովայի ստեղծագործությունները, իսկ սրահում նմուշների դասավորությամբ զբաղվել է ինքը` հեղինակը: Դրանից հետո, տեղի է ունեցել հարցազրույց Սինտիա Լեննոնի ու Փեթթի Բոյդի մասնակցությամբ, որին ներկա էր նաեւ ՀՀ ԱԳ փոխնախարար եւ «Բիթլզի» վաղեմի երկրպագու Արման Կիրակոսյանը: Հարցազրույցից հետո, «Բիթլզների» մենակատարների նախկին կանայք ներկայացրեցին իրենց գրքերը: Ցերեկը հատուկ միջոցառումների դահլիճում Ս.Լենոնը ներկայացրեց իր «Ջոնը» բեսթսելերը, իսկ «Սասունցի Դավիթ» սրահում տեղի ունեցավ Բոյդի «Երեկ եւ այսօր» գրքի շնորհանդեսը: Իսկ երեկոյան «Խանջյան» սրահում տեղի կունենա The New York Times թերթի արվեստի գծով գլխավոր քննադատ Մայքլ Քիմմելմանի դասախոսությունը, որը նվիրված է նրա հայտնի «Պատահական գլուծգործոց` կյանքի արվեստի մասին եւ հակառակը» գրքին, որը ներկայացվել է Պուլիտցերի մրցանակին: Գիրքը պատմում է Բոնարդի, Վերմիրի, դը Կունինգի, դոկտոր Հյու Հիքսի մասին, որը թանգարան է բացել սեփական տան նկուղում, ներկայացնելով ավելի քան 75 հազար էլեկտրական լամպերի իր հավաքածուն: «Արծիվ» սրահում ներկայացված է ամերիկահայ հայտնի նկարիչ Արշիլ Գորկու բնօրնակների առաջին ցուցահանդեսը: Ցուցահանդեսում կներկայացվեն Գորկու 16 գծանկար եւ 7 գեղանկարչական աշխատանքները Գաֆեսճյանի արվեստի անձնական հավաքածուից: Ցուցահանդեսը կտեւի մինչեւ 2010թ. հունվարի 31-ը: Նշենք, նաեւ, որ այսօր Գաֆեսճյան արվեստի կենտրոնը բաց է այցելուների համար 10:00-22:00-ն եւ բոլոր սրահները կարելի է այցելել անվճար:   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Բաժիններ թեմայով Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
