Երևանի Ազատության հրապարակում բացվել է ստորգետնյա եռահարկ ավտոկայանատեղի24 մայիսի 2010 - 13:41 AMT PanARMENIAN.Net - Երևանում` Ազատության հրապարակում, մայիսի 24-ին Հայաստանի նախագահ Սերժ Սարգսյանի մասնակցությամբ կայացել է 500 մեքենայի համար նախատեսված ստորգետնյա եռահարկ ավտոկայանատեղիի պաշտոնական բացումը: Երկրի ղեկավարի խոսքերով, կատարվել է շատ լավ աշխատանք բարձր չափանիշներին համապատասխան: Իր հերթին, Երևանի քաղաքապետ Գագիկ Բեգլարյանն ասել է, որ քաղաքում ավտոկայանատեղերի շինարարությունը պետք է շարունակվի, քանի որ երեկոյան ժամերին քաղաքը ծանրաբեռնված է լինում: «Մոտ ժամանակները նախատեսվում է ստորգետնյա ավտոկայանատեղիների կառուցում Ազնավուրի և Սախարովի հրապարակներում, և լավ կլիներ, եթե նման ստորգետնյա շինություն կառուցվեր նաև Հանրապետության հրապարակում»,- ասել է նա: Ավտոկայանատեղերի արժեքի վերաբերյալ քաղաքապետն ասաց, որ վճարի վերջնական չափը դեռ որոշված չէ, բայց այն լինելու է 100-500 դրամի սահմաններում: Ավտոկայանատեղիի մուտքը և ելքը Թումանյան փողոցից է: Շինարարության արժեքը կազմել է մոտ 4 մլրդ դրամ: Մոտ ժամանակները Ծովակալ Իսակովի հրապարակի հարևանությամբ մեկնարկելու է հեծանվահրապարակի շինարարությունը: Հեծանվահրապարակում նախատեսվում է երկու մարզասրահների կառուցում 3200 տեղերով: Նախագծի արժեքը 5.9 մլրդ դրամ է: ՀՀ կառավարության 2008-ի օգոստոսի 28-ի որոշմամբ ընդունվեց իտալական «RENCO S.p. A.» ընկերության և Երևանի քաղաքապետարանի կողմից ներկայացված քաղաքաշինական ներդրումային ծրագիրը, որի համաձայն պետք է կառուցվեր միջազգային չափանիշենրին համապատասխան ստորգետնյա ավտոկանգառ և հեծանվահրապարակ: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |