Վրաստանի ղեկավարությունը սկսել է Ջավախքի հայաթափման քաղաքականություն վարել22 հուլիսի 2010 - 13:34 AMT PanARMENIAN.Net - Ջավախքում Վրաստանի ղեկավարությունն իրագործում է հայաթափման նոր քաղաքականություն, որը «սպիտակ ցեղասպանություն է»: Թբիլիսիում արդեն հաստատվել է Ջավախքի հայկական դպրոցների նոր ուստարվա ծրագիրը, որտեղ հայոց լեզվի ու գրականության ժամերը կրճատվել են 2 անգամ: Այդպիսով, հայոց լեզվի դուրս մղման քաղաքականության արդյունքում հայոց լեզվի դասաժամերը խորհրդային շրջանի համեմատ կրճատվել են 5 անգամ, իսկ հետխորհրդային շրջանի համեմատ` 2 անգամ: Այս մասին Երևանում կայացած մամլո ասուլիսում հայտարարել է ՀՀԿ խորհրդարանական խմբակցության անդամ, «Ջավախք» հայրենակցակա միության նախագահ Շիրակ Թորոսյանը: Ըստ Թորոսյանի, Վրաստանի իշխանությունների այս քայլի նպատակն է հայոց լեզվի դուրս մղումը Ջավախքից, ինչը ազգային փոքրամասնությունների իրավունքների կոպիտ խախտում է: «Վրաստանի ղեկավարության հակահայկական քաղաքականությունը անցնում է բոլոր սահմանները»,-հայտարարել է պատգամավորը: Ինչպես նշել է Թորոսյանը, մեկ այլ անընդունելի երևույթ է այն, որ Վրաստանի հատուկ ծառայությունները կազմել են հայոց լեզվի ու պատմության ուսուցիչների ցուցակը, որոնց առանց բացատրությունների զրկում են աշխատանքից: «Նրանց նույնիսկ արգելվում է աշխատել մեկ այլ պաշտոնում Վրաստանում»,-ասել է Թորոսյանը` հավելելով, որ նման գործողություններն ուղղված են ջավախահայության ազգային նկարագրի աղճատմանը: «Այս պահի դրությամբ Ջավախքում այնպիսի հետապնդումների համակարգ է ներդրվել, ինչպիսին չկար նույնիսկ խորհրդային տարիներին` Ստալինի օրոք»,-ասել է նա: Պատասխանելով PanARMENIAN.Net ի թղթակցի այն հարցին, թե որն է Հայաստանի դերը Ջավախքում ստեղծված իրավիճակը շտկելու գործում, Շիրակ Թորոսյանը նշել է, որ հայկական կողմը պետք է վրաց իշխանությունների հետ հանդիպումներում արծարծի ջավախահայության խնդիրները: «Այսինք, դարձնի այդ հարցը երկկողմ օրակարգի հիմնական հարցերից մեկը: Ես հուսով եմ, որ Վրաստանի իշխանություններն, ի վերջո, նույնպես կհասկանան, թե ինչ աղետալի հետևանքներ կարող է ունենալ այդ քաղաքականությունը Վրաստանի համար»,-ասել է Թորոսյանը: Ջավախք Ջավախքն հնուց ի վեր բնակեցված է եղել հայերով, ինչի մասին վկայում են ինչպես հայկական, այնպես էլ վրացական, արաբական, թուրքական եւ այլ աղբյուրները: Ըստ վրաց Լեոնտի Մրովելիի աղբյուրի, IV դարի սկզբում Ջավախքի բնակչության խոսակցական լեզուն հայերենն էր: Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |