// IP Marketing video - START// IP Marketing video - END

Հայաստանի և Ռուսաստանի քաղաքացիները Աբխազիա կամ Հարավային Օսիա գնալու համար հայտնվել են Թբիլիսիի բանտում

PanARMENIAN.Net - Վրաստանի իշխանությունները որոշել են պատժել այն մարդկանց, ովքեր այցելել են Հարավային Օսիա կամ Աբխազիա: Այն մարդկանց, ում անձնագրերում Հարավային Օսիայի և Աբխազիայի սահմանապահների նշագրում կա, նրանց սպառնում է 2-4 տարվա բանտարկություն: Ընդ որում, ձերբակալվածը պատժվում է «պետական սահմանի խախտման» հոդվածով: Այս մասին հայտարարել է Վրաստանի ՆԳՆ պաշտոնական ներկայացուցիչ Շոթա Ուտիաշվիլին: Նրա խոսքերի համաձայն, այդ կարգը մտցվել է 2008թ. ռուս-վրացական հակամարտությունից հետո` համաձայն Վրաստանի բռնազավթման մասին օրենքի:

Ռուսական թերթի տեղեկատվության համաձայն, Հայաստանի և Ռուսաստանի մի քանի քաղաքացիներ գտնվում են Թբիլիսիի բանտում` անօրինականորեն Վրաստանի սահմանն անցնելու մեղադրանքով: Սակայն նրանց առաջարկել են մի քանի հազար դոլար վճարելով ազատվել բանտից: Շոթա Ուտիաշվիլու խոսքերի համաձայն, այդպիսի հիմնախնդիրներն, իսկապես, միշտ ավարտվում են մոտավորապես հազար դոլար տուգանք մուծելուց հետո: Նա նաև հայտնել է, որ նման դեպքեր շատ են լինում: այս մասին հաղորդում է echo.msk.ru-ն:

Հղումներ թեմայով.
 Ուշագրավ
Զոհերի թիվը կարող է աճել, քանի որ փլատակների տակ դեռ մարդիկ կան
Ընդհանուր առմամբ, աստերոիդի այսքան մոտ թռիչքը նշանակում է, որ ապագայում հնարավոր են էլ ավելի սերտ մոտեցումներ, որոնք նաև կարող են սպառնալ բախումներով
Հարձակման ենթարկվածի մասին տեղեկություններ դեռ չկան