Նախագահ Սերժ Սարգսյանը հրամանագիր է ստորագրել կրթության և գիտության բնագավառների զարգացման գործում ունեցած մեծ վաստակի համար Երևանի Մ. Հերացու անվան պետական բժշկական համալսարանի պրոռեկտոր, բժշկական մանրէաբանության ամբիոնի վարիչ, բժշկական գիտությունների դոկտոր, պրոֆեսոր Վլադիմիր Արմենակի Շեկոյանին Հայաստանի Հանրապետության գիտության վաստակավոր գործչի պատվավոր կոչում շնորհելու մասին:

Հանրապետության ղեկավարի մեկ այլ հրամանագրով կրթության և գիտության բնագավառներում ներդրած նշանակալի ավանդի համար Երևանի Մ. Հերացու անվան պետական բժշկական համալսարանի վիրաբուժության թիվ 1 ամբիոնի վարիչ, բժշկական գիտությունների դոկտոր, պրոֆեսոր Մուշեղ Միսակի Միրիջանյանը պարգևատրել է Մխիթար Հերացու մեդալով, հաղորդում է ՀՀ նախագահի մամլո ծառայությունը: