  Ստեփանակերտի օդանավակայանը կգործի 2010-ի նոյեմբերի կեսից  25 հոկտեմբերի 2010 - 13:53 AMTPanARMENIAN.Net - ԼՂՀ օդանավակայանը կընդունի և բաց կթողնի ինքնաթիռներ 2010-ի նոյեմբերի կեսից, PanARMENIAN.Net ի թղթակցի հետ զրույցում ասել է ԼՂՀ կառավարությանն առընթեր քաղաքացիական ավիացիայի կառավարման պետ Դմիտրի Ատբաշյանը: «Նվազագույն սխեմայով «Ստեփանակերտի օդանավակայան» ՓԲԸ-ն կընդունի և բաց կթողնի ինքնաթիռներ նոյեմբերի կեսից: Տվյալ պահին ընթանում են մոնտաժային աշխատանքներ»,- ասել է նա: Բացի դրանից, նրա խոսքերով, նոյեմբերի վերջին պատրաստ կլինի օդանավակայանի սպասասրահը, իսկ սպասասրաhի բոլոր ծառայությունները կգործեն 2011-ի գարնանը: Ինչ վերաբերվում է աշտարակին, որտեղ տեղակայված է օդանավակայանի թռիչքների կառավարման ծառայությունը, ապա այն պատրաստ կլինի տարեվերջին: Առաջին փուլում ԼՂՀ օդանավակայանը չվերթներ կիրականացնի միայն դեպի Երևան, տոմսի արժեքը նախնական տվյալներով կկազմի 16 000-20 000 դրամ, առավելագույն արժեքը կարող է կազմել է 25 000 դրամ: Ատբաշյանը հաղորդել է, որ դիտարկվում է դեպի ԱՊՀ երկրներ, մասնավորապես դեպի Ռուսաստան թռիչքներ իրականացնելու հնարավորությունը: «Մայրաքաղաքից բացի, առաջնային քաղաքներ են համարվում Սարատովը, Կրասնոդարը, Ռոստովը, Հյուսիսային Կովկասի քաղաքները»,- ասել է նա: Նա հավելել է, որ զբոսաշրջության զարգացման առումով մեծ հետաքրքրություն են դրսևորում արտասահմանյան տուրօպերատորները, այդ թվում` իտալական, ֆրանսիական և գերմանական ընկերությունները: ԼՂՀ նկատմամբ նրանց հետաքրքրության գործոններից մեկն այն է, որ Գանձասարի վանական համալիրում է գտնվում Հովհաննես Մկրտչի գլուխը:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Սյուժե Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՆախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգերՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |
