// IP Marketing video - START// IP Marketing video - END

Հայաստանի 2010 թվականի լավագույն մարզիկ է ճանաչվել Տիգրան Մարտիրոսյանը

Հայաստանի 2010 թվականի լավագույն մարզիկ է ճանաչվել Տիգրան Մարտիրոսյանը

PanARMENIAN.Net - Հայաստանի սպորտային լրագրողների ֆեդերացիան ամենամյա ավանդական հարցում կատարեց 47 սպորտային լրագրողների` 2010 թվականի Հայաստանի լավագույն մարզիկին որոշելու համար:

Քվեարկության համաձայն տարվա լավագույն մարզիկ դարձավ այս տարվա Եվրոպայի և աշխարհի չեմպիոն, Պեկինի Օլիմպիական խաղերի բրոնզե մեդալակիր, ծանրամարտիկ Տիգրան Մարտիրոսյանը:

Երկրորդ տեղը զբաղեցրեց բլից շախմատի աշխարհի չեմպիոն Լևոն Արոնյանը, երրորդը` աշխարհի առաջնության արծաթե մեդալակիր, հունահռոմեական ոճի ըմբշամարտիկ Արսեն Ջուլֆալակյանը:

Լավագույն թիմ ճանաչվեց Հայաստանի ֆուտբոլի ազգային հավաքականը, որը EUOR-2012 նախընտրական մրցաշարում հաղթեց Սլովակիայի և Անդորրայի հավաքականներին, FIFA վարկանիշում 517 միավորով բարձրացավ 59-րդ տեղը և B խմբում 3-րդ տեղում է:

Երրորդից տասներորդ տեղերն ունեն հետևյալ պատկերը`հունահռոմեական ըմբշամարտի աշխարհի առաջնության արծաթե մեդալակիր Յուրի Պատրիկեև, բռնցքամարտի Եվրոպայի չեմպիոն Հրաչիկ Ջավախյան, աշխարհի չեմպիոն, սամբիստ Աշոտ Դանիելյան, Եվրոպայի փոխչեմպիոն և աշխարհի առաջնության բրոնզե մեդալակիր, ծանրամարտիկ Մելինե Դալուզյան, Եվրոպայի չեմպիոն, ծանրամարտիկ Գևորգ Պողոսյան, աշխարհի առաջնության բրոնզե մեդալակիր, հունահռոմեական ոճի ըմբշամարտիկ Ռոման Ամոյան և երիտասարդների աշխարհի առաջնության արծաթե մեդալակիր և աշխարհի չեմպիոն, ծանրամարտիկ Ռուբեն Ալեքսանյան:

 Ուշագրավ
Մխիթարյանի գոլը 86-րդ րոպեին փրկել է «Արսենալին» վերջին 16 խաղում առաջին պարտությունից
Աղյուսակը գլխավորում է Բելգիան
Մ-19 և Մ-17 հավաքականներում խզվել են պայմանագրերն արգենտինացի բոլոր մարզիչների հետ
«Ես գիտեի, որ ավելի արագաշարժ եմ: Նա ինձ ոչ մի բանով չզարմացրեց»,-ասել է Մուսասին մենամարտից հետո