// IP Marketing video - START// IP Marketing video - END

«Սպայկա» ընկերությունը 27,8 մլրդ դրամ կներդնի սննդամթերքի և մրգերի արտահանման ոլորտում

«Սպայկա» ընկերությունը 27,8 մլրդ դրամ կներդնի սննդամթերքի և մրգերի արտահանման ոլորտում

PanARMENIAN.Net - ՀՀ կառավարությունը փետրվարի 3-ի նիստում հավանություն է տվել ներդրումային ծրագրի շրջանակներում «Սպայկա» սահմանափակ պատասխանատվությամբ ընկերության կողմից 300 միլիոն դրամը գերազանցող ապրանքների ներմուծման դեպքում մաքսային մարմինների կողմից հաշվարկված ավելացված արժեքի հարկի գումարների վճարման ժամկետը մինչև երեք տարի ժամկետով հետաձգմանը:

Ինչպես ասել է էկոնոմիկայի նախարար Տիգրան Դավթյանը, «Սպայկա» ընկերությունը 27,8 մլրդ դրամ է ներդնում սննդամթերքի և մրգերի սառեցման և վերամշակման ժամանակակից արտադրության ստեղծման մեջ: Ըստ նրա, ծրագրի իրականացման արդյունքում արտադրանքի արտահանումը Հայաստանից կհասնի 70 հազար տոննայի, կստեղծվի 500 աշխատատեղ:

Վարչապետ Տիգրան Սարգսյանն ընդգծել է, որ այդ ծրագիրն առանձնահատուկ հետաքրքրություն է ներկայացնում, քանի որ այն կխթանի գյուղատնտեսության զարգացումը, ինչպես նաև արտահանումը:

Բացի այդ ՀՀ կառավարությունը թույլ է տվել «ՎԿՍ Արմենիա» սահմանափակ պատասխանատվությամբ ընկերությանը օգտվել «Ժամանակավոր ներմուծում» մաքսային ռեժիմով ներմուծված ապրանքների նկատմամբ կիրառված «Ժամանակավոր ներմուծում» մաքսային ռեժիմից: Ընկերությունը մտադիր է ընդլայնել իր գործունեությունը թեթև արդյունաբերության ոլորտում:

9  15.07.11 - ՀՀ վարչապետը այցելել է "Սպայկա" ընկերություն
 Ուշագրավ
Նախնական փուլում նախատեսվում է բազայի կառուցումը, որտեղ կլինեն հյուրանոցներ, առևտրային կենտրոններ, ռեստորաններ, խանութներ, օժանդակ այլ կառույցներ
Խոշոր եղջերավոր կենդանիների թիվը7,8%-ով
Ընդհանուր վարկերի ծավալն կազմել է 2,374 տրլն
6 տարում $138 մլն-ի եկամուտ կարող է ապահովվել