// IP Marketing video - START// IP Marketing video - END

Տեղի ունեցավ «Բամբիռ» խմբի «Armenian scotch» ձայներիզի շնորհանդեսը

PanARMENIAN.Net - Ապրիլի 15-ին տեղի ունեցավ առաջին սերնդի «Բամբիռ» խմբի «Armenian scotch» ձայնասկավառակի շնորհանդեսը: Ձայնասկավառակում զետեղված են խմբի առաջին և երկրորդ սերնդի 30-ամյա գործունեության ընթացքում ստեղծած աշխատանքները:

«Armenian Scotch»-ը «Բամբիռ»-ի 4-րդ ձայներիզն է, որը նվիրված է հայ մեծանուն բանաստեղծ Հովհաննես Թումանյանի 140 և շոտլանդացի հանրահայտ բանաստեղծ Ռոբերտ Բըրնսի 250-ամյակներին: Ձայներիզում տեղ են գտել երկու բանաստեղծների ստեղծագործությունները, 18 երգերից 17-ի երաժշտությունը տարբեր տարիներին գրել է Գագիկ Բարսեղյանը (Ջագ):

Ըստ Գագիկ Բարսեղյանի, երգաշարը կարծես մի բեմախաղ լինի և այդ բեմախաղը անուն ունի` Հայ-շոտլանդական, կամ պարզապես “Armenian scotch”:

Ձայնագրությունը կատարվել է «Նարեկացի» արվեստի միության ստուդիայում, իսկ տպագրվել է ԱՄՆ-ում` 1000 օրինակով, գինը` 7000 դրամ:

Սկավառակը թողարկվել է ՀՀ մշակույթի նախարարության, «Նարեկացի» արվեստի միության, «Բամբիռ» մշակութային ՀԿ-ի և «ԴԻ ՋԻ Կոնտակտ» ընկերության աջակցությամբ:

 Ուշագրավ
«Եվրատեսիլ 2019» երգի միջազգային մրցույթը կկայանա գարնանը՝ Իսրայելում
Վերջին, 8-րդ եթերաշրջանի գործողությունը կսկսվի Վինթերֆելում
Ավելի վաղ նա շախմատ խաղացող հայերի լուսանկար էր հրապարակել և նշել, որ նոր նախագիծ է նախապատրաստում
Այն կպայքարի մրցանակի համար «Լավագույն օտարալեզու ֆիլմ» անվանակարգում