ԱՀՀ. Իր հայտարարությամբ Օբաման բաց թողեց անցյալի բաց վերքերն ապաքինելու հնարավորությունը24 ապրիլի 2011 - 16:19 AMT PanARMENIAN.Net - Նախագահ Բարաք Օբաման Օսմանյան կայսրությունում Հայոց ցեղասպանությունը կրկին անվանել է «20-րդ դարի մեծագույն հանցագործություններից մեկը»` չկատարելով Հայոց ցեղասպանությունը ճանաչելու մասին խոստումը: Այդ մասին ասվում է Ամերիկայի հայկական համագումարի (ԱՀՀ) հայտարարությունում: Համագումարը հիշեցնում է, որ դեռ ապրիլի 18-ին դիմել էր ԱՄՆ նախագահին` կոչ անելով ճանաչել Հայոց ցեղասպանությունը, քանի որ դրա ճանաչումը և դատապարտումը մարդու իրավունքների պաշտպանության հիմնական հարցն է: «Խոսքերը մեծ նշանակություն ունեն և Օբամայի հայտարարությունը Զատիկի և Հայոց ցեղասպանության զոհերի հիշատակի օրվա նախօրեին բաց թողնված հնարավորություն է անցյալի բաց վերքերը բուժելու համար: Ցեղասպանության հերքումը կործանարար է, և ԱՄՆ-ն պետք է միանշանակ հաստատի Հայոց ցեղասպանության փաստը»,- հայտարարել է ԱՀՀ գործադիր տնօրեն Բրայան Արդունին: Ապրիլի 24-ին ԱՄՆ հայ համայնքին ուղղված իր ամենամյա ուղերձում նախագահ Բարաք Օբաման անցյալ տարիների նման օգտագործել է «Մեծ Եղեռն» եզրույթը` խուսափելով «ցեղասպանություն» բառից: Հայ համայնքին ուղղված իր գրավոր ուղերձում ԱՄՆ նախագահն Օսմանյան կայսրությունում 1.5 միլիոն հայերի զանգվածային բնաջնջումն անվանել է «20-րդ դարի մեծագույն հանցագործություններից մեկը»: Բայց արդեն երրորդ տարին շարունակ, խոսելով 1915-ի դեպքերի մասին, նա խուսափում է «ցեղասպանություն» բառն արտասանելուց: Իր ուղերձում նախագահ Օբաման նաև նշել է, որ «պատմության վիճելի էջերն ապակայունացնում են ներկան և ստվեր նետում նրանց հիշողության վրա, ովքեր տվել են իրենց կյանքը»: Նրա խոսքերով, Ամերիկան հստակ գիտի դա, քանի որ նրա պատմության մեջ էլ առկա են մութ էջեր: Օբաման «բարձր է գնահատել Հայաստանի և Թուրքիայի ջանքերը պատմական հարցերի քննարկման համար», հավելելով, որ նրա տեսակետն այս հարցի շուրջ չի փոխվել նրա նախընտրական քարոզարշավից ի վեր և որ «փաստերի ճանաչումը բխում է մեր շահերից»: Դեռ ԱՄՆ սենատոր եղած ժամանակ Օբաման խոստացել էր նախագահ դառնալու դեպքում ճանաչել Հայոց ցեղասպանությունը, բայց այդպես էլ չի կատարել իր խոստումը: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |