Հայաստանի նախագահ. Իշխանությունները պատրաստ են ընդառաջել ընդդիմությանը27 ապրիլի 2011 - 14:33 AMT PanARMENIAN.Net - Հայաստանի նախագահ Սերժ Սարգսյանի մոտեցումները ներքաղաքական գործընթացներին, չեն փոխվել: «Ես գտնում եմ, որ քաղաքական գործընթացները մեր երկրում բնականոն հունով են ընթանոմ, կամ գոնե ամեն ինչ այդ ուղղությամբ է գնում»,-հայտարարել է նախագահը ապրիլի 27-ին Երևանում: Ըստ նրա, կոալիցիոն կուսակցություններn ակտիվացրել են իրենց գործունեությունը ինչպես օրենսդիր, այնպես էլ գործադիր մարմիններում: «Ավելին, տնտեսության առանձին ոլորտներում ակտիվություն է նկատվում, գտնում եմ, որ արդյունքները, ինչպես ցուցանիշների, այնպես էլ հասարակության ընկալման տեսակետից, պարզ կդառնան առաջիկայում»,-ասել է նախագահը: Բացի այդ, ըստ Սերժ Սարգսյանի, բավականին ակտիվ է աշխատում խորհրդարանը, իսկ ընդդիմադիր «Դաշնակցություն» և «Ժառանգություն» կուսակցություններն ակտիվացրել են իրենց գործունեությունը: Սերժ Սարգսյանը հավանություն է տալիս նաև այն փաստին, որ ընդդիմության հանրահավաքների ու իրավապահ մարմինների ներկայացուցիչները կարող են աշխատել միմյանց հետ և վերջին շրջանում նման միջոցառումների ժամանակ կոպիտ խախտումներ չեն գրանցվել: «Դա կարող է հնարավորություն ընձեrել, որ Ազատության հրապարակը կրկին դառնա այլակարծության արտահայտման վայր»,-ասել է նա: Այդ կապակցությամբ նա հիշեցրել է, որ այս տարի Հայաստանը տոնելու է անկախության 20-րդ տարեդարձը, իսկ մայիս ամիսը հաղթանակների ամիս է Հայաստանի համար: «Պառակտումը երբեք ոչ մի լավ բան չի տվել ոչ մի ժողովրդի: Այսօր մենք ունենք ուժեղ իշխանություն, ուժեղ ընդդիմություն, որը թույլ չի տալիս իշխանություններին թուլացնել զգոնությունը, և, համագործակցելով, մենք կարող ենք լուրջ առաջընթացի հասնել երկրում: Եվ այստեղ մենք կրկին պատրաստ ենք առաջին քայլերն անել իրավիճակի լիցքաթափման առումով և ես արդեն առաջարկել եմ արդարադատության նախարարին համապատասխան առաջարկություններ ներկայացնել»,-ասել է նա: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է Թունյան․ Ադրբեջանից գազ գնելու հարց այս պահին չկա օրակարգում Ըստ նրա՝ Հայաստանի կամ որևէ այլ երկրի համար տարբերություն չկա, թե որտեղից կգնի իր էներգառեսուրսը ՀՀ–ն կգործակցի Իտալիայի հետ ռազմական, ռազմատեխնիկական ոլորտներում․ Կան պայմանավորվածություններ Այցը տեղի է ունեցել ապրիլի 23-25-ը Բողոքի ակցիա՝ Բեռլինում «Ալիևին՝ Հաագա» վանկարկումով Ակցիայի մասնակիցները նաև ծածանել են Արցախի Հանրապետության դրոշը |