// IP Marketing video - START// IP Marketing video - END

Սերգեյ Մանասարյանը ներկայացրել է Հայաստանի դերակատարությունը ՍԾՏՀ-ում

Սերգեյ Մանասարյանը ներկայացրել է Հայաստանի դերակատարությունը ՍԾՏՀ-ում

PanARMENIAN.Net - Հունիսի 8-ին Բուխարեստում տեղի ունեցավ Սեւծովյան տնտեսական համագործակցության կազմակերպության (ՍԾՏՀ) անդամ-երկրների Արտաքին գործերի նախարարների խորհրդի 24-րդ հանդիպումը, որին նախորդեց կազմակերպության Ավագ պաշտոնյաների կոմիտեի երկօրյա նիստը:

Արտգործնախարարների խորհրդի հանդիպմանը մասնակցում էին նաեւ ՍԾՏՀ դիտորդ երկրների, սեկտորային համագործակցության գործընկերների եւ հարակից կազմակերպությունների պատվիրակությունները, մի շարք միջազգային կազմակերպությունների ներկայացուցիչներ հյուրերի կարգավիճակով:

Հայաստանի պատվիրակությունը ղեկավարում էր եւ ելույթով հանդես եկավ ՀՀ արտաքին գործերի նախարարի տեղակալ Սերգեյ Մանասարյանը:

ՀՀ փոխարտգործնախարարն իր ելույթում գոհունակությամբ նշեց անցած կիսամյակի ընթացքում ՍԾՏՀ-ում Ռումինիայի նախագահությամբ սոցիալ-տնտեսական համագործակցության բոլոր բնագավառներում արձանագրված առաջընթացը եւ դրանում Հայաստանի գործնական դերակատարությունը: Կարեւորվեց կազմակերպության արդյունավետության հետագա բարելավմանը, տարածաշրջանային կոնկրետ ծրագրերի պատշաճ իրականացմանն ուղղված տնտեսական օրակարգի խթանման նշանակությունը:

Հանդիպման արդյունքում ՍԾՏՀ արտգործնախարարներն ընդունեցին մի քանի տասնյակ որոշումներ: Ռումինիան ներկայացրեց իր նախագահության ընթացքում արձանագրված ձեռքբերումները:

Հանդիպման ավարտին հանդիսավոր արարողությամբ ՍԾՏՀ-ում նախագահությունը Ռումինիայից փոխանցվեց Ռուսաստանին, որը կազմակերպությունը կպաշտոնավարի մինչեւ ընթացիկ տարվա վերջը, հաղորդում է ԱԳՆ մամլո ծառայությունը:

 Ուշագրավ
Պինոն նշել է, որ որոշումն ընդունվել է հոր՝ Ֆրանսուայի հետ համատեղ հաղորդմամբ, որոշումն ընդունվել է հոր հետ համատեղ։
Նշված անձինք ձերբակալվել էին 2017-ի մայիսին և որոշ ժամանակ անց մահացել կալանավայրում
Դեկտեմբերի 1-ը ՁԻԱՀ-ի դեմ պայքարի համաշխարհային օրն է