Ամենայն հավանականությամբ, Կազանում Հայաստանի, Ռուսաստանի և Ադրբեջանի նախագահների հանդիպման ժամանակ ընդունվելու է որոշակի հռչակագիր բարի կամքի մասին և ոչ ավելին: Երեք երկրների նախագահները կարգավորման հիմնական սկզբունքների մասին հիշատակելուց առաջ չեն գնա: Այդ մասին PanARMENIAN.Net-ի թղթակցին հայտնել է Ռազմավարական հետազոտությունների հիմնադրամի փորձագետ, վերլուծաբան Կայծ Մինասյանը:

Մինասյանը կարծում է, որ կողմերը չեն ցանկանում հանդես գալ «վատ տղայի» դերում ԵԱՀԿ ՄԽ համանախագահների առաջ, բայց չեն ցանկանում զոհել իրենց շահերը: Նա նաև նշել է, որ Հայաստանի և Ադրբեջանի ներքաղաքական իրավիճակը կարող է ազդել Ղարաբաղի շուրջ բանակցությունների ընթացքի վրա: