Եվրամիությունը ձգտում է ակտիվացնել ջանքերը և ներգրավվածությունը ղարաբաղյան հակամարտության կարգավորման մեջ: Ինչպես հայտարարել է Արևելյան գործընկերության քաղաքականության և ընդլայման հարցերով եվրահանձնակատար Շտեֆան Ֆյուլեն, տվյալ պահին ավելի շատ միջոցներ են հատկացվում հակամարտող գոտիներում վստահության միջոցներն ամրապնդելու համար: Սակայն, Ֆյուլեի խոսքով, դա ընդամենն առաջին քայլն է: Հետագայում Բրյուսելը կարող է և ցանկանում է ավելի անել:
Ինչպես նշել է Ֆյուլեն, Եվրամիությունը հայտարարում է ղարաբաղյան հակամարտության կարգավորման մեջ մասնակցելու ցանկության և պատրաստակամության մասին:
Ֆյուլեն նշել է, որ ԵԱՀԿ ՄԽ ձևաչափի փոփոխության հարցը չի քննարկվում: Նրա խոսքով, ներկա փուլում հենց ՄԽ-ն և հակամարտող կողմերը պետք է պայմաններ ստեղծեն ԵՄ-ին այդ գործընթացի մեջ ընդգրկելու համար:
Եվրամիությունը բացի վստահության միջոցներն ամրապնդելուց նաև կարող է մշակել ավելի իրական օգնության փաթեթ, բայց միայն այն բանից հետո, երբ կողմերը կհանգեն համաձայնության:
ԵՄ-ն պատրաստ է օգնել նաև ենթակառուցվածքի վերականգնման մեջ, հաղորդում է AZE.az՝ մեջբերելով «Ազատություն» ռադիոկայանը:
