// IP Marketing video - START// IP Marketing video - END

Այսօր Կոնստանտին Օրբելյանի ծննդյան օրն է

PanARMENIAN.Net - Այսօր` հուլիսի 29-ին լրանում է մեծ երգահան Կոնստանտին Օրբելյանի ծննդյան 83-ամյակը:

ԽՍՀՄ և ՀՀ ժողովրդական արտիստ, կոմպոզիտոր, դաշնակահար Կոնստանտին Օրբելյանը ծնվել է 1928 թ-ին Ռուսաստանի Արմավիր քաղաքում: 1956թ-ից սկսած նա շուրջ երեք ու կես տասնամյակ ղեկավարել է Հայաստանի պետական էստրադային նվագախումբը: Այդ տարիներին նա բազմաթիվ երգեր է գրել էստրադային և ջազ կատարողների համար: Նա գրել է նաև գործիքային ստեղծագործություններ: Օրբելյանի երգերով են Ռուսաստանում հայտնի մի շարք երգչուհիներ` Ալլա Պուգաչովան, Լարիսա Դոլինան, Իրինա Պոնարովսկայան սկսել են իրենց ստեղծագործական ուղին: Քչերին է հայտնի, որ Օրբելյանը գրել է նաև բալետ և սիմֆոնիա: Մաեստրոն վերջերս Հայաստանում էր հունիսի 26-ին Արամ Խաչատրյանի անվան համերգասրահում կայացած Ամերիկյան Յելի համալսարանի շրջանավարտների երգչախմբի համերգի կապակցությամբ, որը նվիրված էր Օրբելյանների ընտանիքին: Այժմ նա բնակվում է ԱՄՆ-ում:

 Ուշագրավ
2019-ին էլ 20,000 դոլարի դրամաշնորհը կուղղվի հայկական գրչության կենտրոնների ինտերակտիվ քարտեզի ստեղծմանը
BAFTA-ի մրցանակների թվով առաջատար է դարձել Յորգոս Լանտիմոսի «Ֆավորիտուհին» ֆիլմը
Նրանց չորրորդ երեխային լույս աշխարհ կբերի փոխնակ մայրը
Վերջին, 8-րդ եթերաշրջանի գործողությունը կսկսվի Վինթերֆելում