Բաքու-Թբիլիսի-Կարս երկաթուղու շինարարությունը մտադիր են ավարտել 2012 թվականին 5 օգոստոսի 2011 - 18:03 AMT PanARMENIAN.Net - «Ադրբեջանի, Վրաստանի և Թուրքիայի տարածքները միավորող Բաքու-Թբիլիսի-Կարս երկաթուղու շինարարությունը կավարտվի 2012 թվականին»,- հայտնել է Վրաստանի ենթակառուցվածքի և տարածաշրջանային զարգացման նախարար Ռամազ Նիկոլայիշվիլին, նույն ժամանակ կավարտվի նաև երկաթուղային կայարանի շինարարությունը Վրաստանի հարավում` Ախալքալաքում: «Այս նախագիծը կարևոր է Վրաստանի ենթակառուցվածքի զարգացման համար: Նշված երկաթուղով բեռները Չինաստանից ամենակարճ ժամկետում Վրաստանով կհասնեն եվրոպական շուկա»,- ասել է նա: Բաքու-Թբիլիսի-Կարս նոր երկաթուղային գիծն ավարտելու համար Վրաստանին երկարաժամկետ վարկի տեսքով լրացուցիչ 575 միլիոն դոլարի հատկացման մասին պետական որոշումն ընդունվել է այս տարվա մայիսին: Անցյալ հանգստյան օրերին Ադրբեջանում կայացել է երկկողմ Համակարգող խորհրդի նիստը, որի ժամանակ հաստատվել է 2011թ. շինարարական աշխատանքների բյուջեն` 316 միլիոն դոլար: «Ախալքալաքի երկաթուղային կայարանի շինարարությունը կմեկնարկի երեք շաբաթվա ընթացքում: Կայարանը կկառուցվի հայտնի գերմանացի ճարտարապետ Յուրգեն Մայերի նախագծի համաձայն»,- ասվում է նախարարության հաղորդագրության մեջ: Բացի կայարանի շինարարությունից, հատկացված լրացուցիչ գումարը կուղղվի Թեթրիծղարո-Ախալքալաք երկաթուղային հատվածի շինարարությանն ու վերականգնողական-վերակառուցման աշխատանքներին, ինչպես նաև անհրաժեշտ ենթակառուցվածքային օբյեկտների շինարարությանը: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |