Նիկոլյա Սարկոզին սպառնացել է Իրանին, որ կհարվածի վերջինիս միջուկային օբյեկտներին 1 սեպտեմբերի 2011 - 10:57 AMT PanARMENIAN.Net - Ֆրանսիայի նախագահ Նիկոլայ Սարկոզին հայտարարել է, որ Իրանի միջուկային խնդրի խաղաղ լուծման շուրջ բանակցությունների ձախողումը կարող է հանգեցնել Իրանի միջուկային օբյեկտների հրթիռակոծմանը, հաղորդում է Ինտերֆաքսը: «Իրանի հավակնությունները մեծ սպառնալիք են ներկայացնում ռազմական և ատոմային ոլորտներում: Այդ ամենը կարող է հանգեցնել Իրանի օբյեկտներին նախազգուշական հարվածների կազմակերպմանը: Դա կարող է խոշոր ճգնաժամի պատճառ դառնալ, որը Ֆրանսիան չի ցանկանում թույլ տալ»,- հայտարարել է նա` ելույթ ունենալով Փարիզում ֆրանսիացի դեսպանների առաջ: Այդ առումով Սարկոզին նաև արտահայտվել է Թեհրանի դեմ պատժամիջոցների ուժեղացման վերաբերյալ. «Իրանը հրաժարվում է բանակցություններ վարել: Նա նոր սադրանքներ է իրագործում: Ուստի միջազգային հանրությունը պետք է վճռական պատասխան պատրաստի: Մենք պետք է միասնություն և հաստատակամություն հանդես բերենք: Պահանջվում են ավելի կոշտ պատժամիջոցներ»: Միաժամանակ Նիկոլայ Սարկոզին չի բացատրել, թե, իր կարծիքով, հատկապես որ երկրները կարող են հարված հասցնել Իրանի օբյեկտներին: Օգոստոսի 27-ին Իրանը սկսել է ածխաջրածնային մանրաթելի արտադրությունը: Այդ նյութը կարելի է կիրառել միջուկային ծրագրում, դրա համար այն արգելված է Թեհրանին վաճառել ՄԱԿ պատժամիջոցներով: Իրանն ավելի վաղ այդ նյութը ներկրել է ավելի ժամանակակից ցենտրիֆուգերում օգտագործելու համար, որոնք արտադրում են հարստացված ուրան: 2006-ի դեկտեմբերի 23-ին ՄԱԿ ԱԽ-ն միաձայն հաստատել է բանաձևը, որը նախատեսում է Իրանի նկատմամբ պատժամիջոցների կիրառում, որը հրաժարվում է դադարեցնել իր միջուկային ծրագիրը, մասնավորապես, ուրանի հարստացման շուրջ աշխատանքները: ՄԱԿ որոշման համաձայն աշխարհի բոլոր երկրներին արգելված է Թեհրանին տրամադրել նյութեր, սարքավորումներ և տեխնոլոգիաներ, որոնք կարող են իրենց ավանդն ունենալ Իրանի միջուկային և հրթիռային ծրագրերի մշակման մեջ: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | ՀՀ և Սաուդյան Արաբիայի ԱԳ նախարարներն ընդգծել են պարբերական ուղիղ չվերթերի կարևորությունը Միրզոյանը գործընկերոջ ուշադրությանն է ներկայացրել «Խաղաղության խաչմերուկ» ծրագիրը Փաշինյան․ Մեր մտածածն էն ա, որ ասեք՝ «վայ, ինչ լավ ա, որ 50 մետր էն կողմ Ադրբեջանն ա» Վարչապետը նաև վստահեցրել է, որ եթե այս քայլերը չարվեն, երաշխավորում է, որ մեր տարածաշրջանում նոր պայթյուն է լինելու Թյուրքագետը՝ ԼՂ–ից ռուս խաղաղապահների դուրս գալու մասին․ Սյունիքը հայտնվեց լիարժեք թուրքական աքցանի մեջ Նա նշել է, որ դրանով Սյունիքի ու Ադրբեջանի բանակի միջև վերանում է վերջին հնարավոր խոչընդոտը Մեծ Բրիտանիայում ՀՀ ռազմական կցորդի հաստիք է սահմանվել Փաշինյանը որոշում է ստորագրել |