Տիգրան Ջրբաշյանը հավաստիացնում է, որ ներմուծումն ու արտահանումը Հայաստանից ավելի քաղաքակիրթ են դարձել 6 սեպտեմբերի 2011 - 17:18 AMT PanARMENIAN.Net - «Առևտուրը Հայաստանի հետ, ինչպես նաև արտահանումը Հայաստանից, ավելի քաղաքակիրթ են դարձել »,-լրագրողների հետ զրույցում սեպտեմբերի 6-ին Վանաձորում հայտարարել է «Ամերիաբանկ» ՓԲԸ-ի զարգացման գծով տնօրեն Տիգրան Ջրբաշյանը: Ըստ նրա, «Ամերիաբանկը» երկրի խոշորագույն բանկերից մեկն է, որն աշխատում է առևտրի ֆինանսավորման ոլորտում, առաջարկելով հաճախորդներին համապատասխան գործիքներ: Տ.Ջրբաշյանը հավելել է, որ հայկական ընկերությունները սկսել են առավել ակտիվ աշխատել դիստրիբյուտորների, խոշոր ընկերությունների հետ, ինչն իր հերթին պահանջում է համապատասխան գործիքների կիրառում (բանկային երաշխիքներ և այլն): «Դա պահանջարկ է ստեղծում և բանկերը համապատասխանաբար փորձում են այն ապահովել»,-ասել է նա: «Ամերիաբանկ» ՓԲԸ-ի զարգացման գծով տնօրենը հավելել է, որ վերջերս օբյեկտիվ ցուցանիշներով արտահանման ուղղությունը առավել արագ տեմպերով է զարգանում, քան ներմուծումը: «Դա կապված է գների կոնյունկտուրայի փոփոխության հետ միջազգային շուկայում և հայ արտադրողի ակտիվացման հետ»,-նշել է նա: Տնտեսության մեջ ազատական հայացքներ ունենալով՝ Տիգրան Ջրբաշյանը ինչպես արտահանման, այնպես էլ ներմուծման զարգացումը տեսնում է առողջ մրցակցության մեջ: «Արտահանման ծավալների ավելացման խոչընդոտները ավելի քիչ են, քան ներկրման դեպքում, քանի որ ներմուծումը մենաշնորհացվել է», -գտնում է բանկիրը: Նա հիշեցրել է, որ «Ամերիբանկն» առաջարկում է իրավաբանական անձանց վճարային քարտ, որը հնարավորություն է տալիս անկանխիկ վճարումներ կատարել Հայաստանի բոլոր մաքսակետերում: Մաքսային քարտը հաճախորդին հնարավորություն է տալիս օգտվել հատուկ արտոնյալ պայմաններից, իսկ անհրաժեշտության դեպքում՝ մի շարք առավելություններ ստանալ քարտով վարկային գիծ բացելու համար: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |