Կիևում ցուցադրեցին հայրենիքից դուրս ապրող հայերի կյանքի մասին պատմող վավերագրական ֆիլմ

PanARMENIAN.Net - Կիևում ցուցադրվեց «Եվրոպայի հայկական ժառանգությունը» վավերագրական ֆիլմը Հայաստանի սահմաններից դուրս հայ ժողովրդի կյանքի մասին: Այն արդեն դիտել են Երևանում, Հաագայում և Լվովում: Դեկտեմբերին կինոնկարը կցուցադրվի Խարկովում: Այդ մասին գրում է Analitika.at.ua-ը:

«Եվրոպայի հայկական ժառանգությունը» պատմում է համաշխարհային պատմության մեջ հայ ժողովրդի ողբերգական ճակատագրի մասին: Ռեժիսոր Վալերի Բալայանի խոսքով՝ կինոնկարը պատմում է հայերի, ուկրաինացիների, ինչպես նաև այլ մշակույթների ներկայացուցիչների եղբայրական հարաբերությունների մասին, որոնք երկար ժամանակ բնակվել են Ուկրաինայի տարածքում:

Ֆիլմի ռեժիսորի հետ ծանոթանալու էին եկել ոչ միայն Ուկրաինայում բնակվող հայկական սփյուռքի, այլև մայրաքաղաքի ստեղծագործ մտավորականության ներկայացուցիչները:

Ֆիլմի ստեղծմանը ֆինանսապես և կազմակերպչական առումով աջակցել է «Ռենեսանս» բարեգործական հիմնադրամը: Ինչպես պատմում է հիմնադրամի նախագահ Լյուդմիլա Բելովան, իրենց գրավել է կինոնկարի գաղափարը:

«Մենք հուսով ենք, որ այդ ֆիլմը կդիտեն Եվրոպայի գրեթե բոլոր խոշորագույն քաղաքներում: Իսկ մեզ համար դա մեր հիմնադրամի գործունեությունը շարունակելու առիթ կլինի»,- ասել է Բելովան:

 Ուշագրավ
Այդ մասին հայտնել է է քաղաքապետի մամուլի խոսնակը
Չեղարկումն ի թիվս այլոց քննադատել էին Թանկյանն ու Համասյանը
Դա պայմանավորված է փոփոխական ու ցուրտ եղանակով
Ֆիլմը ՀՀ-ն կներկայացնի «Լավագույն միջազգային գեղարվեստական կինոնկար» անվանակարգում