«Մանկական Եվրատեսիլ-2011». Ուկրաինացի մասնակիցը վստահ է իր հաղթանակի վրա

30 նոյեմբերի 2011 - 18:37 AMT

PanARMENIAN.Net - «Մանկական Եվրատեսիլ-2011» երգի մրցույթի ուկրաինացի մասնկցուհի Կրիստալը համոզված է, որ նա արժանի է հաղթանակի: Նրա խոսքով նա շատ է աշխատել մրցույթի համար: Նա նշեց, որ լավ է զգում իրեն Հայաստանում: Նրան ամենից շատ դուր են եկել Ռուսաստանի և Մոլդովայի ներկայացուցիչների երգերը: Կրիստալը վստահորեն նշեց, որ միայն այս մրցույթով չի սահմանափակվելու, և ամեն ինչ անելու է, որպեսզի հետագայում ներկայանա մեծերի մրցույթում:

«Մանկական Եվրատեսիլ-2011»-ը տեղի է ունենալու դեկտեմբերի 3-ին Կ. Դեմիրճյանի անվան մարզահամերգային համալիրում Երևանում: Դեռ 2010 թ-ի վերջին Հայաստան էին ժամանել շվեդ փորձագետներ, ովքեր ուսումնասիրել են մարզահամերգային համալիրը և ընդհանուր պայմանները:

Մրցույթը բացելու է Ռուսաստանը, իսկ եզրափակելու է Բելգիան: Հայաստանը ներկայանալու է 4-րդ համարի տակ: Հայաստանը «Մանկական Եվրատեսիլին» մասնակցում է 2007թ-ից: Առաջինը այդ մրցույթում Հայաստանը ներկայացրել է «Արևիկ» խումբը «Երազանք» երգով և գրավել 2-րդ տեղը, 2008 թ-ին Մոնիկա Մանուչարովան և գրավել է 8-րդ տեղը իր «Իմ երգի հնչյունը» երգով: 2009 թվականին «Մանկական Եվրատեսիլ» մրցույթում Հայաստանը ներկայացրեց Լուարա Հայրապետյանը «Բարսելոնա» երգով և գրավեց 2-րդ տեղը` այն կիսելով Ռուսաստանի ներկայացուցիչ Եկատերինա Ռյաբովայի հետ: 2010թ. նոյեմբերի 20-ին «Մանկական Եվրատեսիլ-2010» մրցույթում Հայաստանին հաղթանակ բերեց Վլադիմիր Արզումանյանը իր «Մամա» երգով: Այս տարի Հայաստանը ներկայացնելու է Դալիթան իր Welcome to Armenia երգով: