  Մարդասպան Ռամիլ Սաֆարովը կարո՞ղ է էքստրադիցիայի ենթարկվել Ադրբեջան  14 դեկտեմբերի 2011 - 11:51 AMTPanARMENIAN.Net - Ադրբեջանցի սպա Ռամիլ Սաֆարովի էքստրադիցիան հնարավոր է Հունգարիայի և Ադրբեջանի միջև համապատասխան պայմանավորվածության ձեռքբերման դեպքում, հայտարարել է Ադրբեջանի Գերագույն դատարանի նախագահ Ռամիլ Ռզաևը: «Ռամիլ Սաֆարովի էքստրադիցիայի հարցը միջպետական է և Ադրբեջանը զբաղվում է դրանով: Սպայի էքստրադիցիան կարող է իրականացվել, եթե երկու երկրները պայմանավորվածություն ձեռք բերեն»,- ասել է Ռզաևը: Նրա խոսքով, Հունգարիայի հետ արտաքսման մասին պայմանագրի բացակայության պատճառով, ժամանակին այդ հարցի առնչությամբ որոշակի խնդիրներ առաջացան: «Չեմ կարծում, որ նրա՝ Ադրբեջան էքստրադիցիայի հարցում, քաղաքական նպատակներն ինչ-որ դեր խաղան: Խնդիրը պետք է լուծվի բացառապես իրավական հարթակում: Եթե երկու երկրների միջև գոյություն ունենար էքստրադիցիայի մասին պայմանագիր, այն շատ ավելի հեշտ կիրականացվեր: Եթե երկու պետություններն էլ, հիմնվելով միջազգային նորմերի վրա, գան համաձայնության, այդ հարցը կարող է դիտարկվել: Մենք՝ նախաձեռնողներս, հուսով ենք, որ այդ բանակցությւնները դրական ավարտ կունենան»,- ասել է Ռզաևը: 2004թ փետրվարի 19 Հայաստանի ԶՈւ զինծառայող, լեյտենանտ Գուրգեն Մարգարյանը, ով ՆԱՏՕ-ի կազմակերպած «Համագործակցություն հանուն խաղաղության» ծրագրի շրջանակներում անգլերենի դասընթացներ էր անցնում Բուդապեշտում, քնած ժամանակ գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: 2006 թ ապրիլի 13 հայ սպային սպանողը Բուդապեշտի քաղաքացիական դատարանի կողմից դատապարտվել է ցմահ ազատազրկման՝ առանց 30 տարիների ընթացքում ներման հնարավորության: Հայ սպային սպանողն Ադրբեջանում համարվում է ազգային հերոս:   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում  Լեռնային Ղարաբաղի հուշարձանների հետ կապված մշտադիտարկման խմբեր են գործումԽոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններՓաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսումՄախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |
