  Ամերիկյան դատարանը որոշել է, որ Իրանն օգնել է սեպտեմբերի 11-ի ահաբեկչության կազմակերպմանը  16 դեկտեմբերի 2011 - 16:42 AMTPanARMENIAN.Net - Մանհեթենի դաշնային դատարանը վճռել է, որ Իրանի իշխանություններն օգնել են ահաբեկիչներին նախապատրաստել 2011թ. սեպտեմբերի 11-ի ահաբեկչությունը: Այդ մասին հայտնում է The New York Times-ը: Դատարանը նման որոշում է կայացրել պատասխանող կողմի չներկայանալու պատճառով: Հայցվորները պնդում են, որ Իրանի գերագույն ղեկավարությունը ԱՄՆ դեմ պայքարում գործել է «Ալ-Քաեդայի» հետ համատեղ: Ըստ դատարանի տվյալների, կապը Իրանի իշխանությունների ու «Ալ Քաեդայի» միջև իրականացրել է «Հեզբոլլահի» մարտական գործողությունների համակարգող Իմադ Մուղնիեն: Նա սպանվել է 2008թ.: Հավանաբար, խոսքը գնում է 2011թ. մայիսին ներկայացված հայցի մասին՝ սեպտեմբերի 11-ի ահաբեկչության զոհերի ընտանիքների անունից: Ավելի վաղ Իրանի ներկայիս նախագահ Մահմուդ Ահմադինեժադը հայտարարել էր, որ չի հավատում, թե սեպտեմբերի 11-ի ահաբեկչությունը «Ալ-Քաեդան» է կազմակերպել: Հայցում մեղավորների թվում նշվել է նաև Իրանի հոգևոր առաջնորդ այաթոլա Ալի Համենեիի անունը, գրում է Լենտա.ռու-ն: Իրանի հետ «Ալ Քաեդայի» կապերի մասին ենթադրություններ նախկինում ևս արվել են, սակայն, դրանք կասկած են առաջացնում: «Ալ Քաեդան» ծայրահեղական սունիների կազմակերպություն է, որոնք Իրանի շիաներին իսկական մահմեդականներ չեն համարում: «Ալ Քաեդայի» ահաբեկիչները բազմիցս են ահաբեկչություններ կազմակերպել Իրաքի շիաների դեմ: Սունի ահաբեկիչներ գործում են նաև Իրանի տարածքում:   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Փակ են դեպի Ամբերդ ամրոց և Քարի լիճ տանող ճանապարհները․ Լարսը բաց է  Վարորդներին խորհուրդ է տրվում երթևեկել բացառապես ձմեռային անվադողերովԱստիճանաբար կտաքանա 6-8 աստիճանով Երևանում ապրիլի 19–ի ցերեկային ժամերին օդի ջերմաստիճանը կհասնի +28–իՊատգամավոր. Ապօրինի միգրանտները գալու են, լցվեն Հայաստան «Պակիստանից, Բանգլադեշից կամ այլ երկրից 50 կամ 100 հազար մարդ գա, հասկանո՞ւմ եք, թե ինչ է լինելու Հայաստանի հետ մի քանի տարուց»,- ասել է նա |
