// IP Marketing video - START// IP Marketing video - END

CES 2012 տեխնոլոգիաների ցուցահանդեսին ներկայացվել է Project Fiona խաղային պլանշետը

CES 2012 տեխնոլոգիաների ցուցահանդեսին ներկայացվել է Project Fiona խաղային պլանշետը

PanARMENIAN.Net - Հունվարի 10-13-ը Լաս Վեգասում կայացած CES 2012 Սպառողների Էլեկտրոնիկայի միջազգային ցուցահանդեսի ժամանակ բացի ուլտրաբուքերից, ապագայի սմարթֆոններից և OLED հեռուստացույցներից ուշադրության կենտրոնում եղել են նաև խաղային սարքերը։

Դրանցից տպավորիչ է եղել Razer ընկերության նորույթը՝Project Fiona կոչվող խաղային պլանշետը։ Այն ունի 10,1 դյույմ անկյունագծով էկրան, որի վրա աջ և ձախ կողմերից տեղադրված են խաղային վահանակներ՝ յուրաքանչյուրը 6 կոճակներով և մեկ կառավարման կոճակով (joystick)։

Project Fiona խաղային պլանշետը հագեցած է Core i7 Ivy Bridge հզոր պրոցեսորով, Wi-Fi-ով, Bluetooth 3.0-ով։ Այն աշխատում է Microsoft-ի վերջին օպերացիոն համակարգով՝ Windows 8-ով, որը նախագծված է թե՛ համակարգիչների, թե՛ պլանշետների համար։

Ըստ Socialbarrel.com-ի, Razer ընկերությունը ոչինչ չի հայտնել Project Fiona-ի արժեքի մասին։ Իսկ առայժմ հայտնի է, որ այն շուկա դուրս կգա 2012-ի 4-րդ եռամսյակին։

CES 2012 (Սպառողների էլեկտրոնիկայի ցուցադրություն) միջազգային ցուցահանդեսը անցկացվում է հունվարի 10-13-ը ԱՄՆ-ի Լաս Վեգաս քաղաքում։ Ցուցահանդեսի նախնական ցուցադրությունները մեկնարկել են հունվարի 5-ին։ Ցուցահանդեսին կներկայանան ընկերություններ ավելի քան 140 երկրներից։

 Ուշագրավ
PanARMENIAN.Net –ը որոշել է ստուգել՝ իրոք դա այդպես է և զրուցել է Ալիսայի հետ տարբեր թեմաներով
«Այս ամենը շատ հեշտ է, արագ և անվճար»,- խոստանում են հեղինակները
«Քաշի՛ր Հայկականը» խաղարկությունը կազմակերպում են Earlyone-ը, GG-ն, Zangi-ն և ONEX-ը
«Մեսենջերը ապրել է բնականոն աճ, և դեռևս գլոբալ PR առաջխաղացում չի կատարվել»,- շեշտեց