  Թուրքական սադրանք. Բաղիշը պահանջում է, որ իրեն ձերբակալեն Հայոց ցեղասպանությունը ժխտելու համար  30 հունվարի 2012 - 11:47 AMTPanARMENIAN.Net - Թուրքիայի ԵՄ գծով նախարար Էգեմեն Բաղիշը Ցյուրիխում հրապարակայնորեն հայտարարել է, թե Հայոց ցեղասպանություն «չի եղել»: Դավոսի Համաշխարհային համաժողովին մասնակցելուց հետո Բաղիշը մեկնել է Ցյուրիխ՝ համերգի: Ինչպես հայտնում է «Իհլասը», Բաղիշը հիշեցրել է լրագրողներին, որ Ֆրանսիայի Սենատն ընդունել է Հայոց ցեղասպանության ժխտումը քրեականացնող օրինագիծ և որ նման օրինագիծ մի քանի տարի առաջ ընդունել է նաև Շվեյցարիան: «Ահա ես Շվեյցարիայում եմ: Ես ասում եմ, որ 1915թ. իրադարձությոնները չեն եղել, Ցեղասպանություն չի եղել: Թող գան ու ձերբակալեն ինձ: Մենք հավատում ենք, որ Ֆրանսիայում խելամիտ մարդիկ ավելի շատ են, քան խենթերը: Այդ որոշումը ոչ մի նշանակություն չունի մեզ համար: Ես հավատում եմ, որ Ֆրանսիայի սահմանադրական դատարանը վաղ թե ուշ չեղյալ կհայտարարի այդ որոշումը»,-ասել է նա: Հունվարի 23-ին Ֆրանսիայի Սենատը կողմ է քվեարկել ցեղասպանությունների,այդ թվում` Հայոց ցեղասպանության ժխտումը քրեականացնող օրինագծին: Ընդհանուր առմամաբ քվեարկել են 213 սենատորներ, որոնցից 127-ը «կողմ», 86-ը «դեմ»: Օրինագիծը մերժման համար նախատեսում է 1 տարվա ազատազրկում և 45 հազար եվրո տուգանք: Թուրքիան շատ ցավագին արձագանքեց օրինագծի ընդունմանը՝ հայտարարելով, թե կսառեցնի համագործակցությունը Ֆրանսիայի հետ ամենատարբեր ոլորտներում: Օրինագծի ընդունման դեպքում Թուրքիայի իշխանությունները սպառնում էին Ֆրանսիայի հետ բոլոր դիվանագիտական կապերի խզումով: Ավելին, Թուրքիայի վարչապետ Ռեջեփ Թայիփ Էրդողանը հայտարարել էր, որ երբեք չի այցելի Ֆրանսիա, եթե օրինագիծը ընդունվի:   Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա   Ամենաընթերցվողը բաժնում |  Սյուժեներ Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
