ՀՀ դեսպանը Լիտվայի ՊՆ ղեկավարի հետ քննարկել է համագործակցությանն առնչվող հարցեր

ՀՀ դեսպանը Լիտվայի ՊՆ ղեկավարի հետ քննարկել է համագործակցությանն առնչվող հարցեր

PanARMENIAN.Net - Փետրվարի 9-ին Լիտվայում ՀՀ դեսպան Արա Այվազյանը հանդիպեց Լիտվայի Ազգային պաշտպանության նախարար Ռասա Յուկնեվիչիենեի հետ:

Ինչպես հայտնում է ՀՀ ԱԳՆ, հանդիպման ընթացքում երկուստեք անդրադարձ է կատարվել Հայաստանի և Լիտվայի միջև բարեկամական հարաբերություններին, գոհունակություն հայտնվել երկու երկրների պաշտպանության նախարարությունների միջև առկա գործակցության կապակցությամբ և կարևորվեց միջգերատեսչական շարունակական համագործակցության խորացումը:

Կողմերը քննարկել են արտաքին և տարածաշրջանային օրակարգի, ինչպես նաև միջազգային անվտանգությանն առնչվող մի շարք հարցեր:

Դեսպանի խնդրանքով նախարար Յուկնեվիչիենեն ներկայացրել է Լիտվայի գործունեությունը միջազգային կազմակերպությունների շրջանակներում, ինչպես նաև Բալթյան երկրների համագործակցությունը Սկանդինավյան տարածաշրջանի հետ պաշտպանական ոլորտում:

Դեսպանը տիկին Յուկնեվիչիենեին փոխանցել է ՀՀ պաշտպանության նախարար Սեյրան Օհանյանի հրավերը այցելել Հայաստան, ինչը գոհունակությամբ ընդունվել է:

 Ուշագրավ
Ցույցին մասնակցող ուսանողները համալսարանների ներսում բերաները կապած «խոսում են» միայն պաստառների միջոցով
Հայաստան կմեկնեն դեսպանությունում ցուցակագրված 254-ից 360 համարի ներքո նշված քաղաքացիները
Նշվում է, որ մինչև ապրիլի 15-ը՝ ժ. 22։00-ն սահմանված վայրերում տեղադրվելու են հատուկ անցակետեր՝ տեղաշարժը հսկելու համար
Քննարկվել են հնարավոր հետագա քայլերը՝ հաշվի առնելով ԵԱՀԿ ՄԽ համանախագահների առաջարկները