Չեխիայի նախագահը վստահ է, որ Թուրքիայի անդամակցությունը ԵՄ-ին «թափ կհաղորդի» Եվրոպան
Եվրագոտու տնտեսական խնդիրները ոչ մի դեպքում չպետք է թուլացնեն աջակցությունը Թուրքիային՝ ԵՄ անդամակացության ճանապարհին, հայտարարել է Չեխիայի նախագահ Վացլավ Կլաուսը, որն Անկարա է ժամանել քառօրյա պաշտոնական այցով, հաղորդում է ՌԻԱ Նովոստին:
Չեխիայի նախագահը հանդիպել է Անկարայում իր թուրք գործընկեր Աբդուլլահ Գյուլը:
«Եվրոպան փոփոխությունների կարիք ունի, իսկ այնպիսի մեծ ու դինամիկ երկրի անդամակցությունը, ինչպիսին Թուրքիան է, կարող է թափ հաղորդել Եվրոպային»,-ասել է Կլասուսը:
«Մենք շնորհակալ ենք պարոն Կլասուսին ԵՄ-ին մեր անդամակցության հարցում սատարելու համար»,-ասել է թուրք նախագահ Աբդուլլահ Գյուլը:
Չեխիայի նախագահի հետ Անկարա են ժամանել շուրջ 60 չեխ գործարարներ ու ձեռներեցներ:
