Հայաստանի անկախության 19 տարիների գլխավոր ձեռքբերումը` ԼՂՀ փաստացի անկախությունն էՍեպտեմբերի 18-24-ի ներքաղաքական իրադարձությունների ամփոփում Ոչ մի ՄԱԿ հատուկ պատվիրակ չի կարող արագացնել ղարաբաղյան հիմնախնդրի կարգավորման գործընթացը: ԵԱՀԿ Մինսկի խմբի լիկվիդացումն ու, առավել ևս, նրա ընդօրինակումն այլ մակարդակում կարգելակեն անգամ այն գործընթացը, որն այժմ ընթանում է: Այդ մասին PanARMENIAN.Net ի թղթակցի հետ զրույցում հայտնել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը: Նրա կարծիքով, նման հայտարարություններն ավելի շատ դասվում են քարոզչության, քան հակամարտության լուծումն արագացնելու իրական փորձերի շարքին: «Իրական արագացման համար փոխզիջումների պատրաստակամություն է հարկավոր, այլ ոչ թե հակառակը»,- ասել է Իսկանդարյանը: 25 սեպտեմբերի 2010 PanARMENIAN.Net - Ղարաբաղյան հակամարտության գծով ՄԱԿ-ի հատուկ ներկայացուցիչ նշանակելու անհրաժեշտության մասին խոսակցությունները վկայում են այն մասին, որ միջազգային հանրությունը մտահոգված է ԵԱՀԿ ՄԽ ջանքերի անարդյունավետությամբ: Այդ մասին PanARMENIAN.Net ի թղթակցի հետ զրույցում հայտարարել է Քաղաքական և միջազգային հետազոտությունների հայկական կենտրոնի փորձագետ Ռուբեն Մեհրաբյանը: Ըստ նրա, նման նախաձեռնությունները կարող են ապտակ հանդիսանալ ինչպես ղարաբաղյան հակամարտության միջնորդների, այնպես էլ կողմերի համար: «Բոլոր այդ հաղորդագրությունները վկայում են այն մասին, որ միջնորդներին ու կողմերին հստակ ասում են՝ բավական է, տղաներ, բանակցությունների ժամանակը անսահմանափակ չէ»,-ասել է փորձագետը: Խորհրդարանական հարցերով Իրանի փոխնախագահ Սեյիդ Մոհամմեդրզա Միրթաջադդինին, Թեհրանում ելույթ ունենալով «Ադրբեջանի Հանրապետություն. նախկին փորձն ու առաջիկա հեռանկարը» իրանա-ադրբեջանական խորհրդաժողովի ժամանակ, չի հայտարարել, որ Ղարաբաղն Ադրբեջանի մասն է հանդիսանում, և որ Իրանը ղարաբաղյան հիմնահարցում պաշտպանել և պաշտպանելու է ադրբեջանական կողմին: Այդ մասին PanARMENIAN.Net ի թղթակցի հետ զրույցում հայտնել է Հայաստանում Իրանի դեսպանատան պաշտոնական ներկայացուցիչ պարոն Զարեին: «Չի բացառվում, որ որոշ ԶԼՄ-ներ փոխնախագահի խոսքերը սեփական մեկնաբանությամբ են ներկայացրել: Իրականում Իրանի քաղաքականությունը կայանում է նրանում, որ Իրանն աջակցում է միայն ղարաբաղյան հիմնախնդրի խաղաղ կարգավորմանը: Այդ հակամարտության մեջ Թեհրանը սատարում է ինչպես Հայաստանին, այնպես էլ Ադրբեջանին: Մինչև հիմա մենք ղարաբաղյան կարգավորման հարցում հավասարակշռված դիրքորոշում ենք զբաղեցրել և շարունակելու ենք զբաղեցնել»,- ասել է պարոն Զարեին: Եթե ղարաբաղյան հակամարտության կարգավորման բանալին առհասարակ գոյություն ունի, ապա այն առաջին հերթին հայերի ու ադրբեջանցիների ձեռքում է: Այդ մասին «Ռուսական քաղաքականության նոր միտումները Կովկասում. մարտահրավերներ ու հնարավորություններ տարածաշրջանի համար» թեմայով կլոր սեղանի շուրջ հայտնել է Ռազմավարական ու ազգային հետազոտությունների հայկական կենտրոնի (ACNIS) ղեկավար Ռիչարդ Կիրակոսյանը: Նրա խոսքով, ղարաբաղյան հիմնախնդրի կարգավորման միջնորդների համար առաջնահերթ խնդիրը պատերազմի կանխումն ու Ադրբեջանի վերադարձն է բանակցային գործընթաց: Սեպտեմբերի 19-ին Երևանում Հայոց ցեղասպանության զոհերի հիշատակի Ծիծեռնակաբերդ հուշահամալիրում պատարագ է տրվել և տեղի է ունեցել բողոքի ցույց` Վանի Աղթամար կղզու Սբ. Խաչ եկեղեցում տրվող պատարագի դեմ: «Այսօր Հայաստանի տարբեր հատվածներում երկու տարբեր միջոցառում է տեղի ունենում` առաջինը` թուրքական կառավարության կազմակերպած խեղկատակությունն է, իսկ երկրորդը` բողոքի ցույցն ու պատարագը: Ես պատահական չասացի` Հայաստանի տարբեր հատվածներում, քանի որ մենք տարբերություն չենք դնում Արևմտյան Հայաստանի ու Արևելյան Հայաստանի միջև», - լրագրողներին հայտարարել է Հայոց ցեղասպանության տուն-թանգարանի տնօրեն Հայկ Դեմոյանը: Միաժամանակ նա հայտնել է նաև, որ Անկարան փորձում է քարոզչության միջոցի վերածել Հայաստանի մշակութային ժառանգությունն ու հոգևոր արժեքները, ինչը Հայաստանը երբեք չի ընդունի: «Բանն այն է, որ Աղթամարի Սբ Խաչ եկեղեցին վերականգնելով այն թանգարանի վերածելը և այսօրվա պատարագը եկեղեցում` ընդամենը պատարագ է` թանգարանում տրված», - լրագրողներին հայտարարել է Հայ դատի կենտրոնական գրասենյակի ղեկավար Կիրո Մանոյանը: Նա ասել է նաև, որ հենց դա է հայկական կողմի դժգոհության պատճառը: Նրա խոսքերի համաձայն, եկեղեցին պետք է ամեն օր գործի, այլ ոչ թե միայն այն ժամանակ, երբ Թուրքիան ուզի; Մանոյանը նշել է նաև, որ Անկարան այնպես արեց, որ միջոցառումը վերածվեց մեծ հարցի` արդյոք եկեղեցու գմբեթին խաչը կդրվի, թե ոչ: «Առաջին հերթին ես ցանկանում եմ բոլորին շնորհավորել Հայաստանի անկախության օրվա կապակցությամբ: Մենք անկախություն ստացանք, սակայն մինչ օրս չենք գիտակցում նրա կարևորություն»,- սեպտեմբերի 20-ին Երևանում կայացած մամլո ասուլիսում հայտարարել է «Ժառանգություն» խորհրդարանական խմբակցության պատգամավոր Արմեն Մարտիրոսյանը: Ըստ Մարտիրոսյանի, Հայաստանն անկախացավ արյան գնով և «մենք պետք է ամեն ինչ անենք սերունդներին թողնելու համար հզոր և կայուն երկիր»: Հայաստանի ԱԺ փոխխոսնակ Արևիկ Պետրոսյանը հրաժարական է տվել: Այս մասին PanARMENIAN.Net ի թղթակցի հետ զրույցում ասել է «Բարգավաճ Հայաստան» կուսակցության մամլո քարտուղար Խաչիկ Գալստյանը: Նրա խոսքերի համաձայն, մինչև հաջորդ քառօրյա նիստերը կուսակցությունը ՀՀ ԱԺ փոխխոսնակի նոր թեկնածու կներկայացնի: «Բարգավաճ Հայաստան» կուսակցության մամլո քարտուղարը չասաց Արևիկ Պետրոսյանի հրաժարականի պատճառը, նաև չասաց, թե հետագայում նա ներկուսակցական ինչ գործունեություն է ծավալելու: «Մեր կուսակցությունը մինչև հաջորդ քառօրյան կհայտնի թե ում է ներկայացնելու որպես ՀՀ ԱԺ փոխխոսնակի պաշտոնի թեկնածու, նաև կհաղորդի Արևիկ Պետրոսյանի հետագա գործունեության մասին», - ընդգծել է Խաչիկ Գալստյանը: ՀՀ ԱԺ փոխխոսնակ, «Բարգավաճ Հայաստան» կուսակցության անդամ Արևիկ Պետրոսյանի մասին որոշումը կայացվել է կուսակցության կողմից: Այդ մասին Երևանում կայացած մամլո ասուլիսում հայտարարել է կուսակցության խորհրդարանական խմբավորման անդամ Վահե Էնֆիաջյանը: «Սակայն, դա չի նշանակում, թե նա լքում է կուսակցությունը»,-նշել է ՀՀ ԱԺ պատգամավոր Վահե Էնֆայջյանը: Նա նշել է, որ շուտով արդեն կքննարկվի փոխխոսնակի նոր թեկնածությունը, որը պետք է առաջադրի կուսակցությունը: «Բարգավաճ Հայաստան» կուսակցությունը որպես Հայաստանի խորհրդարանի փոխխոսնակի հնարավոր թեկնածու քննարկում է Վարդան Բոստանջյանի, Արամ Սաֆարյանի ու Սամվել Բալասանյանի թեկնածությունները, որոնց անունները վերջերս ակտիվորեն շրջանառվում են ԶԼՄ-ներում: Այդ մասին PanARMENIAN.Net ի թղթակցի հետ զրույցում հայտարարել է «Բարգավաճ Հայաստան» կուսակցության քարտուղար Խաչիկ Գալստյանը: Ըստ Գալստյանի, այս պահի դրությամբ կուսակցությունը քննարկում է թեկնածությունները և դեռևս որևէ մեկի օգտին որոշում չի կայացրել: «Մենք քննարկումներ կանցկացնենք և կուսակցությունը կառաջադրի իր թեկնածուին»,-ասել է նա: Հայաստանի անկախությունը նվաճվեց հայ ժողովրդի կամքի ու միասնության շնորհիվ: Վերջին 20 տարիների ամենագլխավոր նվաճումը Արցախի Հանրապետության հռչակումն էր: Այդ մասին Երևանում կայացած մամլո ասուլիսում հայտարարել է քաղաքագետ Ալեքսանդր Մանասյանը: Ըստ նրա, այսօր ոչ մի քաղաքական ուժ իրավունք չունի իրեն վերագրել Արցախի ազատագրումը, քանի որ ղարաբաղյան պատերազմում հաղթեց ժողովուրդը: Ինչպես նշեց քաղաքագետը, չնայած նրան, որ դիվանագիտական ու քարոզչական ոլորտներում Հայաստանը մի շարք սխալներ թույլ տվեց, սակայն փաստը մնում է փաստ՝ ԼՂՀ-ն այսօր շարունակում է գոյություն ունենալ այն սահմաններում, որոնք գծել էր հայկական կողմը: «Ինչ վերաբերում է Հայաստանի ու Թուրքիայի միջև «ֆուտբոլային դիվանագիտությանը», ապա այստեղ հայկական կողմի քաղաքականությունը շահավետ էր մեզ համար»,-ասել է քաղաքագետը: «Տոնական օրերը լավ առիթ են, որպեսզի արժանին մատուցենք այն մարդկանց, ովքեր արժանի են մեր ամնեօրյա ուշադրությանը և բարեխղճորեն կատարում են իրենց աշխատանքը, նաև հասարակության շարժիչ ուժն են», - Հայաստանի անկախության 19-րդ տարեդարձի տոնակատարության առիթով շքանշանների հանձնման արարողության ժամանակ ասել է ՀՀ նախագահ Սերժ Սարգսյանը: Միաժամանակ նա ասել է, որ բարեխիղճ մարդն ամենամեծ արժեքն է: «Մենք ձեռք բերեցինք այդ անկախությունը ծանր փորձությունների գնով: Այդպես էլ պետք է լիներ, քանի որ պատմությունը ցույց է տալիս, որ հաղթում են միայն միասնական ժողովուրդները, որոնք պատրաստ են պայքարել»,- սեպտեմբերի 21-ին Հայաստանի Անկախության օրվա առթիվ զինծառայողներին գերատեսչական ու կառավարական մեդալներով պարգևատրելու հանդիսավոր արարողության ժամանակ հայտարարել է ՀՀ պաշտպանության նախարար Սեյրան Օհանյանը: «Առկա աշխարհաքաղաքական իրականության մեջ Հայաստանը պարզապես պարտավոր է հզոր բանակ ունենալ: Հայաստանի նախագահն ու կառավարությունն անում են ամեն հնարավոր բան`բանակը նորագույն տեխնիկայով զինելու համար, որպեսզի մեր երկրի Զինված ուժերի մարտունակությունը միշտ բարձր մակարդակում լինի»,- ընդգծել է երկրի պաշտպանական գերատեսչության ղեկավարը: Արշալույս Մղդեսյան / PanARMENIAN News Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով Բաժնի այլ նյութերը «Խաղի» մեջ վերադառնալու ցանկությամբ ՌԴ-ն փորձում է չմարգինալացվել ՀՀ-Ադրբեջան բանակցային գործընթացում Դրագոմանների ժամանակը Դեպի արդիականացված արտաքին քաղաքականություն Բարձր պաշտոնից՝ մեղավորի աթոռին 2018-ի «մեղադրյալները» | Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ Օվերչուկը՝ ԵԱՏՄ նիստին Փաշինյանի մասնակցության մասին․ Սպասում ենք ԵԱՏՄ հոբելյանական գագաթնաժողովը կայանալու է մայիսի 8–ին Բերման է ենթարկվել անհնազանդության ակցիաների 29 մասնակից, որից 17–ը՝ Երևանում Վեդիում բերման է ենթարկվել Լևոն Քոչարյանը Amnesty International․ Ադրբեջանի կողմից էական առաջընթաց չի գրանցվել ԼՂ հայերի ապահով վերադարձի համար Նշվում է, թե Ադրբեջանի իշխանությունները համաներում էին խոստացել նրանց, ովքեր կռվել են Լեռնային Ղարաբաղի համար |