ԱԴՐԲԵՋԱՆԱԿԱՆ ԹԵՐԹԻ ԽՄԲԱԳԻՐԸ ԴԻՄԵԼ Է ԵՎՐԱԽՈՐՀՈՒՐԴ` ԽՆԴՐԵԼՈՎ ՊԱՇՏՊԱՆԵԼ ԵՐԿՐՈՒՄ ԽՈՍՔԻ ԱԶԱՏՈՒԹՅՈՒՆԸ

PanARMENIAN.Net - Ադրբեջանի «Ենի Մուսավաթ» ընդդիմադիր թերթի գլխավոր խմբագիր Ռաուֆ Արիֆօղլուն դիմել է Եվրախորհրդի գլխավոր քարտուղար Վալտեր Շվիմերին եւ ԵԽԽՎ նախագահ Պիտեր Շիդերին` կոչ անելով պաշտպանել թերթը երկրի իշխանությունների հալածանքներից: Ինչպես տեղեկացնում է «Արմինֆո» գործակալությունը, դիմումում ասվում է, որ թերթը գրոհի է ենթարկվել Հեյդար Ալիեւի եւ նրա որդու դեմ օտարերկրյա գործարարների ներկայացրած հայցի վերաբերյալ հրապարակումից հետո` երկրում սեփականաշնորհում անցկացնելիս խարդախությունների կապակցությամբ: Թերթի դեմ հարուցվել է յոթ դատական գործ, որոնց հետեւանքով թերթը կարող է փակվել: «Հաշվի առնելով այն հանգամանքը, որ դատարանները լիովին կախված են իշխանություններից, նման սպառնալիքը միանգամայն իրական է թվում: Ուստի մենք հավատում ենք, որ իրադարձությունների նման զարգացումը կարելի է կանխել միայն միջազգային հանրության միջամտության դեպքում», - նշվում է «Ենի Մուսավաթ»-ի գլխավոր խմբագրի ուղերձում:
 Ուշագրավ
Հակոբյանի խոսքով՝ վարչապետի ընտանիքի անդամների մասին կեղծ ինֆորմացիա է տարածվել
«Հայերի բնաջնջման կամ բռնագաղթեցման նոր փորձերի հնարավորություն չենք տալու»,- ասել է նա
Նա նշել է, որ ՍԴ անդամներից որևէ մեկը չի համաձայնելու արդեն որակում ստացած՝ «օրինական կաշառքին»
Սահմանադրական դատարանի նախագահ Հրայր Թովմասյանին մեղադրանք է առաջադրվել ՀՀ ՔՕ 308֊ի 2֊րդ մասով: